ചേലക്കരയിൽ നിന്നും 39400 വോട്ടുകൾക്കാണ് കെ രാധാകൃഷ്ണ നിയമസഭയിൽ എത്തിയത്. പരേതനായ എംസി കൊച്ചുണ്ണിയുടേയും ചിന്നമ്മയുടേയും മകനാണ്. ഇപ്പോൾ ചേലക്കരയ്ക്കടുത്ത് തോന്നുർക്കരയിലാണ് താമസം.
കേരളവർമ്മ കോളേജിൽ എസ്എഫ്ഐ യൂണിറ്റ് സെക്രട്ടറിയായിരുന്നു. ചേലക്കര ഏരിയാ സെക്രട്ടറി, ജില്ലാ സെക്രട്ടറിയേറ്റ് അംഗം എന്നീ നിലകളിൽ പ്രവർത്തിച്ചാണ് പൊതു പ്രവർത്തന രംഗത്തേക്ക് എത്തിയത്. ഡിവൈഎഫ്ഐ ബ്ലോക്ക് കമ്മിറ്റി സെക്രട്ടറി, സംസ്ഥാന കമ്മിറ്റി അംഗം എന്നീ നിലകളിൽ പ്രവർത്തിച്ചിട്ടുണ്ട്.
ശാസ്ത്രസാഹിത്യ പരിഷത്, ഗ്രത്ഥശാലാ സംഘം, സമ്പൂർണ്ണ സാക്ഷരതാ യഞ്ജം എന്നിവയിൽ പ്രവർത്തിച്ചു. 1991 വള്ളത്തോൾ നഗർ ഡിവിഷനിൽ നിന്നും കൗൺസിലറായി.
1996 ൽ നായനാർ മന്ത്രിസഭയിലെ പിന്നോക്ക ക്ഷേമ വകുപ്പ് മന്ത്രിയായിരുന്നു കെ രാധാകൃഷ്ണൻ. സിപിഎം കേന്ദ്ര കമ്മിറ്റി അംഗവും ദളിത് ശോഷൻ മുക്തി മഞ്ച് അഖിലേന്ത്യാ പ്രസിഡന്റുമാണ് അദ്ദേഹം. 1996 ലാണ് കന്നി നിയമസഭാ മത്സരം. 2001, 2006, 2011 വർഷങ്ങളിൽ ചേലക്കരയിൽ നിന്നുള്ള എംഎൽയാണ് കെ രാധാകൃഷ്ണൻ. 2001 ൽ ചീഫ് വിപ്പും 2006 ൽ സ്പീക്കറുമായിരുന്നു. 2016 ൽ മത്സരിച്ചിരുന്നില്ല.
