കടലിന്റെ അഗാധതയിൽ ടൈറ്റാനിക് ഇപ്പോഴും വിശ്രമിക്കുന്നുണ്ടെങ്കിലും അധികം താമസമില്ലാതെ മറ്റൊരു ടൈറ്റാനിക് ചൈനയിൽ ഉയരും. സു ഷായോജൂൺ എന്ന് പേരുള്ള നിക്ഷേപകനാണ് സിചുവാൻ പ്രവിശ്യയിലെ സുയിനിങ് പട്ടണത്തിൽ ടൈറ്റാനിക്കിനെ പുനരുജ്ജീവിപ്പിക്കുന്നത്. യഥാർത്ഥ ടൈറ്റാനിക് കപ്പലിന്റെ അത്രയും തന്നെ വലിപ്പമുള്ള മാതൃകയാണ് ചൈനയിൽ ഉയരുന്നത്. കടലിൽ നിന്നും 1000 കിലോമീറ്റർ പണികഴിപ്പിക്കുന്ന ചൈനീസ് ടൈറ്റാനിക് പക്ഷെ യഥാർത്ഥ കപ്പൽ അല്ല. സുയിനിങ് പട്ടണത്തിൽ ഉയർന്ന പുതിയ അമ്യൂസ്മെന്റ് പാർക്കിലെ പ്രധാനം ആകർഷണമായാണ് ടൈറ്റാനിക് മാതൃക തയ്യാറാവുന്നത്.
155 മില്യൺ അമേരിക്കൻ ഡോളർ, ഏകദേശം 1,131 കോടി രൂപയ്ക്കാണ് ചൈനയിൽ ടൈറ്റാനിക് മാതൃക ഉയർന്ന് പൊങ്ങുന്നത്. 850 അടി നീളമുള്ള കപ്പൽ മാതൃകയുടെ പണി ഈ വർഷമാണ് അവസാനിക്കുക. ആര് വർഷമായി സു ഷായോജൂൺ ടൈറ്റാനിക്കിന്റെ മാതൃക നിർമ്മാണത്തിൽ വ്യാപൃതനായിട്ട്. നൂറിലധികം തൊഴിലാളികളാണ് ഇതിനായി അഹോരാത്രം പണിയെടുക്കുന്നത്. 23,000 ടൺ സ്റ്റീലാണ് ഇതുവരെ ഉപയോഗിച്ചിരിക്കുന്നത്.
കപ്പനിലകത്തെ കാര്യങ്ങളും മേശ, വിളക്കുകൾ എന്നിവയും യഥാർത്ഥ ടൈറ്റാനിക്കിന് സമാനമായാണ് ഉയരുന്നത്. പാർക്കിലെത്തുന്നവർക്ക് താമസിക്കാനുള്ള 5 സ്റ്റാർ സൗകര്യമുള്ള ഹോട്ടൽ ആവും ചൈനയിലെ ടൈറ്റാനിക്. ഒരു രാത്രി താമസിക്കാൻ 2,000 ചൈനീസ് യുവാൻ (ഏകദേശം 22,705 രൂപ) ആണ് ചിലവാകുക എന്നാണ് പ്രതീക്ഷിക്കുന്നത്. യഥാർത്ഥ ടൈറ്റാനിക്കിലേതുപോലെ ആവി പ്രവർത്തന സജ്ജമായ ആവി എൻജിൻ ചൈനയിലെ ടൈറ്റാനിക്കിലുമുണ്ടാകും. പക്ഷെ ചൈനീസ് ടൈറ്റാനിക് സഞ്ചരിക്കില്ല എന്ന് മാത്രം.
ടൈറ്റാനിക് സിനിമയുടെ ആരാധകനായ സു ഷായോജൂൺ തന്റെ ടൈറ്റാനിക്കിലേക്ക് സന്ദർശകരെ കൊണ്ടുവരാൻ രണ്ട് ആരമ്പര ബസ്സുകൾ ഒരുക്കിയിട്ടുണ്ട്. ബസ്സിന്‌ കാര്യമായ പ്രത്യേകതകൾ ഒന്നുമില്ലെങ്കിലും വാഹനത്തിലെ പാട്ട് പ്രശസ്തമായ ‘എവെരി നൈറ്റ് ഇൻ മൈ ഡ്രീംസ്’ ആയിരിക്കും.
