മുന്നണിക്ക് വേണ്ടി വിട്ടുവീഴ്‌ചയ്‌ക്ക് തയ്യാറാണ്. മന്ത്രിപദം സംബന്ധിച്ച് പിടിവാശിയില്ലെന്നും അദ്ദേഹം വ്യക്തമാക്കി. ഇക്കാര്യം നേതൃത്വത്തെ അറിയിച്ചതായാണ് വിവരം.
മന്ത്രിസ്ഥാനം ആവശ്യപ്പെട്ട് കൂടുതൽ പേർ രംഗത്തുവന്നതോടെയാണ് മന്ത്രിസ്ഥാനം രണ്ടരവർഷം വീതം പങ്കിടാനുള്ള നിർദേശം സിപിഎം നൽകിയത്. നാല് പേർക്ക് രണ്ടരവർഷം വീതം മന്ത്രിസ്ഥാനം നൽകാനുള്ള ധാരണയിലേക്ക് എത്തിയത്. കേരളാ കോണ്‍ഗ്രസ് (ബി) – ഗണേഷ് കുമാർ, ജനാധിപത്യ കേരള കോണ്‍ഗ്രസ് – ആന്‍റണി രാജു, ഐഎന്‍എല്‍ – അഹമ്മദ് കോണ്‍ഗ്രസ് (എസ്) – രാമചന്ദ്രന്‍ കടന്നപ്പള്ളി എന്നിവര്‍ മന്ത്രിസ്ഥാനം പങ്കിടണം. ഇതോടെ രാമചന്ദ്രന്‍ കടന്നപ്പള്ളി വീണ്ടും മന്ത്രിസ്ഥാനത്തേക്ക് എത്തും.
സിപിഐയിൽ നിന്നും പുതുമുഖങ്ങളാകും മന്ത്രിസഭയിലെത്തുക. കൊല്ലത്ത് നിന്ന് ജെ ചിഞ്ചുറാണി മന്ത്രിസഭയിലെത്തും. പിഎസ് സുപാൽ, ഇകെ വിജയൻ, ചേർത്തലയിൽ നിന്നും വിജയിച്ച പി പ്രസാദ്, ഒല്ലൂരിൽ നിന്നും നിയമസഭയിലെത്തിയ കെ രാജൻ എന്നിവരാകും മന്ത്രിസഭയിലേക്ക് എത്തുന്ന മറ്റുള്ളവർ. ഡെപ്യൂട്ടി സ്‌പീക്കർ സ്ഥാനത്തേക്ക് ചിറ്റയം ഗോപകുമാറിനെയാകും പരിഗണിക്കുക. ചൊവ്വാഴ്‌ച ചേരുന്ന സിപിഐ സംസ്ഥാന കൗണ്‍സിലില്‍ അന്തിമ തീരുമാനം ഉണ്ടാകും.
