പോസ്റ്റിൽ അഭിപ്രായവുമായി പെരുമ്പാവൂർ എംഎൽഎ എൽദോസ് കുന്നപ്പള്ളി രംഗത്തെത്തിയിട്ടുണ്ട്. “കോവിഡ് പ്രതിരോധ പ്രവർത്തനങ്ങളിൽ കേരളത്തിന് തന്നെ മാതൃകയായികൊണ്ടിരിക്കുന്ന പ്രിയ സുഹൃത്തും നിയുക്ത മുവാറ്റുപുഴ എംഎൽഎയുമായ മാത്യു കുഴൽനാടന് അഭിനന്ദനങ്ങൾ.” എന്നാണ് എൽദോസ് കുന്നപ്പള്ളിയുടെ കമന്റ്.
എൽദോ എബ്രഹാമിന്റെ കുറിപ്പ് ഇങ്ങനെ, മൂവാറ്റുപുഴയിൽ നാഥൻ ഉണ്ടോ? കഴിഞ്ഞ 13 ദിവസം മൂവാറ്റുപുഴയിൽ കോവിഡ് മരണം 48! 3091 രോഗികൾ ! എന്താണ് പ്രധാന കാരണങ്ങൾ ?
ഉത്തരം: ആരോഗ്യം-റവന്യൂ-തദ്ദേശ-പോലീസ് വകുപ്പുകളെ തമ്മിൽ യോജിപ്പിക്കാൻ നേതൃത്വം ഇല്ല. യുഡിഎഫ് പഞ്ചായത്ത്-നഗരസഭ ഭരണാധികാരികളുടെ പിടിപ്പ് കേട്. ഡോക്ടർമാർ, ഇതര ജീവനക്കാരുടെ കുറവ് പരിഹരിക്കാൻ നടപടി ഇല്ല. എൽഎൽടിസി, ഡിസിസികൾ തുടങ്ങാൻ തയ്യാറാകുന്നില്ല! പിഎച്ച്സി, സിഎച്ച്സി, ജനറൽ ആശുപത്രികളെ സുസജ്ജമാക്കാൻ മൂവാറ്റുപുഴയിലെ പ്രധാന ചുമതല വഹിക്കുന്ന യുഡിഎഫ് ജനപ്രതിനിധികൾക്ക് കഴിയുന്നില്ല. ആകെ പ്രതീക്ഷ നൽകുന്നതും പ്രവർത്തിച്ച് ആശങ്കകൾ അകറ്റുന്നതും മൂവാറ്റുപുഴയിലെ ഡോക്ടർമാർ മുതൽ ആശാ വർക്കർമാർ വരെ ഉള്ള ആരോഗ്യ പ്രവർത്തകരുടെ അക്ഷീണ പ്രയത്നം. കഷ്ടപ്പെടുന്ന കുറേ പോലീസുകാരും.നിയുക്ത എംഎൽഎയും യുഡിഎഫും നോക്കുകുത്തിയായി മാറി.
മുവാറ്റുപുഴ ജനറൽ ആശുപത്രിയിലും, വിവിധ കുടുംബാരോഗ്യ കേന്ദ്രങ്ങളിലും, പിച്ച്സികളിലുമായി എൽഡിഎഫ് സർക്കാർ നടപ്പാക്കിയ മാതൃകാ പ്രവർത്തനത്തിന് തുടർച്ചയുണ്ടാകണം. ആരക്കുഴ പഞ്ചായത്തിൽ പ്രാഥമിക ചികിൽസ കേന്ദ്രം ആരംഭിക്കാത്തതിന്റെ പേരിൽ സമരം ചെയ്ത യുഡിഎഫ് നേതൃത്വവും ഇപ്പോഴത്തെ നിയുക്ത എംഎൽഎയും ആദ്യം ചെയ്യേണ്ടത് എൽഎൽടിസി തുടങ്ങാൻ ഉള്ള ആർജ്ജവം കാണിക്കുകയാണ്. പഞ്ചായത്ത് ഭരണസമിതിയാകട്ടെ ജനങ്ങളുടെ നികുതിപ്പണം ഉപയോഗിച്ച് ധൂർത്ത് നടത്തി എന്നത് മാത്രം അല്ല ദുരിതകാലത്ത് 48 ലക്ഷം മുതൽ മുടക്കി പണിത എൽഎൽടിസി പൊളിച്ച് മാറ്റി. ഇപ്പോൾ ഡിസിസി ആക്കാൻ പുതിയ അഴിമതിയുടെ പണി തുടരുകയാണ്. വിചിത്രം എന്നല്ലാതെ മറ്റെന്ത് പറയാൻ!
Also Read:
യാതൊന്നും ചെയ്യാതെ കൈ കെട്ടി നിൽക്കുന്ന നേതൃത്വം ഇനി എങ്കിലും ചെയ്യേണ്ടത് ഭയപ്പാടില്ലാതെ രംഗത്തിറങ്ങണം. നൂറ് കണക്കിന് രോഗികളുടെയും ബന്ധുക്കളുടേയും ആശങ്ക അകറ്റാൻ ബസ്സപ്പെട്ടവർക്ക് സാധിക്കുന്നില്ല. ഇനിയും ഈ സ്ഥിതി തുടർന്നാൽ മരണസംഖ്യ ക്രമാതീതമായി ഉയരും.സർക്കാർ നിർദ്ദേശിക്കുന്ന പ്രതിരോധ പ്രവർത്തന മാർഗ്ഗങ്ങൾ ഇച്ഛാശക്തിയോടെ നടപ്പാക്കണം. മഴക്കാലപൂർവ്വ ശുചീകരണ പ്രവർത്തനത്തിന് പഞ്ചായത്ത്-നഗരസഭ അധികൃതർ അടിയന്തര പ്രാധാന്യം നൽകണം. നടുവൊടിഞ്ഞ് ജോലി ചെയ്തുവരുന്ന ആരോഗ്യമേഖലയിലെ ഓരോരുത്തരേയും അഭിനന്ദിക്കുന്നു.
“കോവിഡ് ഡിഫൻസ് ബ്രിഗേഡ് “വെള്ളത്തിലെ വരയാണ് എന്ന് ആർക്കാണ് അറിയാത്തത്! തെറ്റിദ്ധാരണ പരത്തുന്നതിൽ ഡോക്ടറേറ്റ് എടുത്തവർക്ക് കാലം മാപ്പു തരില്ല. ആദ്യം സർക്കാർ സംവിധാനം കാര്യക്ഷമമാക്കു, ജാള്യത മറയ്ക്കാൻ ഉള്ള മാന്ത്രിക വടികൾ പിന്നീടാകാം. കഴിഞ്ഞ രണ്ടാഴ്ചക്കിടെ ജില്ലയിൽ ഏറ്റവും കൂടുതൽ മരണം റിപ്പോർട്ട് ചെയ്ത കേന്ദ്രമായി മൂവാറ്റുപുഴ മാറിയപ്പോൾ ജനങ്ങളുടെ കണ്ണിൽ പൊടിയിടുന്ന കുറുക്കുവഴികൾ കൊണ്ട് നാട് രക്ഷപ്പെടില്ല. ധ്രുതഗതിയിലുള്ള നടപടികളാണ് ആവശ്യം. നാട് കാത്തിരിക്കുന്നത് ജനങ്ങളുടെ അടിത്തട്ടിലുള്ള പ്രശ്നങ്ങൾക്ക് പരിഹാരം കണ്ടെത്തലാണ്. വർത്തമാനകാലത്തെ ഗൗരവമുള്ള പാവപ്പെട്ടവന്റെ വിഷമതകൾക്ക് ശമനം കാണാൻ മുണ്ട് മടക്കി കീഴോട്ട് ചെല്ലണം. ഉപരിതല ജാടകൾ മതിയാകില്ല. മുൻ എംഎൽഎ ഫേസ്ബുക്കിൽ കുറിച്ചു.
