Also Read:
ഇന്നു രാത്രി ടോട്ടെ ചുഴലിക്കാറ്റ് അതിതീവ്ര ചുഴലിക്കൊടുങ്കാറ്റായി ഗോവ തീരത്തേയ്ക്ക് നീങ്ങുമെന്നാണ് മുന്നറിയിപ്പുള്ളത്. കേരളവും കര്‍ണാടകയും ഗോവയും മഹാരാഷ്ട്രയും ഗുജറാത്തും ഉള്‍പ്പെടെയുള്ള പടിഞ്ഞാറൻ തീരത്തോടു ചേര്‍ന്നാണ് ചുഴലിയുടെ സഞ്ചാരം. കൊച്ചി മുതൽ പാക്കിസ്ഥാനിലെ കറാച്ചി വരെയുളള തീരമേഖലകള്‍ക്ക് ഇതു സംബന്ധിച്ച് മുന്നറിയിപ്പ് നല്‍കിയിട്ടുണ്ട്. നിലവിൽ ലക്ഷദ്വീപിൽ നിന്ന് 200 കിലോമീറ്ററോളം അകലെയാണ് ചുഴലിക്കാറ്റിൻ്റെ സ്ഥാനം. ചുഴലിക്കാറ്റിൻ്റെ സാഹചര്യത്തിൽ സ്വീകരിക്കേണ്ട മുന്നൊരുക്കങ്ങളും രക്ഷാപ്രവര്‍ത്തനവും വിലയിരുത്താനായി പ്രധാനമന്ത്രി ഉന്നതതല യോഗം വിളിച്ചിട്ടുണ്ട്.
Also Read:
ഇന്നലെ മാത്രം തെക്കൻ കേരളത്തിലും മധ്യകേരളത്തിലും ചുഴലിക്കാറ്റും കനത്ത മഴയും വലിയ നാശമാണ് വിതച്ചത്. ഇടുക്കിയുടെ ഹൈറേഞ്ച് മേഖലകളിൽ നിരവധി വീടുകളുടെ മേൽക്കൂര മരം വീണു തകര്‍ന്നതായാണ് റിപ്പോര്‍ട്ട്. എറണാകുളത്ത് ചെല്ലാനം അടക്കമുള്ള തീരമേഖലകളിൽ നിരവധി വീടുകള്‍ കടൽക്ഷോഭത്തിൽ തകര്‍ന്നു. മത്സ്യബന്ധനത്തിനും കര്‍ശന വിലക്കുണ്ട്. വീടുകളിൽ വെള്ളം കയറിയതിനെ തുടര്‍ന്ന് ചെല്ലാനത്തും കണ്ണമാലിയിലും ആളുകളെ സുരക്ഷിതകേന്ദ്രത്തിലേയ്ക്ക് മാറ്റിയിരിക്കുകയാണ്. ചെല്ലാനത്തു മാത്രം നാലു ദുരിതാശ്വാസ ക്യാംപുകള്‍ തുറന്നിട്ടുണ്ടെന്നാണ് 24 റിപ്പോര്‍ട്ട്.
