മെയ് 15 മുതൽ 31വരെയാണ് മൂന്ന് ട്രെയിനുകളും റദ്ദാക്കിയിരിക്കുന്നത്. ലോക്ക്‌ഡൗൺ നിയന്ത്രണങ്ങൾ നിലനിൽക്കുന്ന സാഹചര്യത്തിൽ യാത്രക്കാരുടെ എണ്ണം കുറഞ്ഞതോടെ തിരുവനന്തപുരത്തു നിന്ന് ചെന്നൈയിലേക്കുള്ള രണ്ടു സൂപ്പര്‍ഫാസ്‌റ്റ് ട്രെയിനുകള്‍, മംഗലാപുരം – ചെന്നൈ, എറണാകുളം – ലോകമാന്യതിലക്, കൊച്ചുവേളി – പോര്‍ബന്തര്‍, കൊച്ചുവേളി – ഇന്‍ഡോര്‍, വഞ്ചിനാട് എക്സ്പ്രസ്, എറണാകുളം – ഷൊര്‍ണൂര്‍, എറണാകുളം – ആലപ്പുഴ, ആലപ്പുഴ – കൊല്ലം, കണ്ണൂര്‍ – ഷൊര്‍ണൂര്‍ തുടങ്ങിയ മെമു സര്‍വീസുകളും റദ്ദാക്കി.
സംസ്ഥാനത്ത് ലോക്ക്‌ഡൗൺ നിലവിൽ വന്നതിന് പിന്നാലെ കേരളത്തിലൂടെ ഓടുന്ന 44 സർവീസുകൾ റദ്ദാക്കിയിരുന്നു. ഇതിന് പിന്നാലെയാണ് മൂന്ന് ട്രെയിനുകൾ കൂടി റദ്ദാക്കിയത്.
കൊവിഡ് കേസുകൾ ഉയർന്ന നിലയിൽ തുടരുന്ന സാഹചര്യത്തിൽ സംസ്ഥാനത്ത് ലോക്ക്‌ഡൗൺ നീട്ടുമെന്ന റിപ്പോർട്ടുകൾ പുറത്തുവന്നിരുന്നു. എന്നാൽ ഇക്കാര്യത്തിൽ സർക്കാരിൻ്റെ ഭാഗത്ത് നിന്നും സ്ഥിരീകരണം ഉണ്ടായിട്ടില്ല. അരോഗ്യവകുപ്പ് ഇന്ന് പുറത്തുവിട്ട കണക്കുകൾ പ്രകാരം 28.61 ആണ് കേരളത്തിലെ കൊവിഡ് പോസിറ്റിവിറ്റി നിരക്ക്. 4,38,913 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 16,05,471 പേര്‍ ഇതുവരെ കൊവിഡില്‍ നിന്നും മുക്തി നേടി. വിവിധ ജില്ലകളിലായി 10,02,443 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 9,67,342 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 35,101 പേര്‍ ആശുപത്രികളിലും നിരീക്ഷണത്തിലാണ്. 6150 പേരാണ് ഇതുവരെ കൊവിഡ് ബാധിച്ച് മരിച്ചത്.
