മന്ത്രിസഭ രൂപീകരിച്ച് ഭരണം നടത്താത്തത് ജനവഞ്ചന: കുമ്മനം രാജശേഖരൻ

കൊച്ചി: തെരഞ്ഞെടുപ്പിൽ ഭൂരിപക്ഷത്തോടെ വിജയിച്ച ഇടതുപക്ഷ ജനാധിപത്യ മുന്നണി മന്ത്രിസഭ രൂപീകരിച്ച് ഭരണ നിർവ്വഹണം നടത്താത്തത് ജനവഞ്ചനയാണെന്ന് ബിജെപി നേതാവും മിസോറാം മുൻ ഗവർണറുമായ . കൊവിഡ് മഹാമാരിയിൽ ജനങ്ങൾ കഷ്ടപ്പെടുമ്പോൾ മന്ത്രിമാരുടെ കസേര ഒഴിഞ്ഞുകിടക്കുന്നത് ഖേദകരമാണെന്നും അദ്ദേഹം പറഞ്ഞു.

“കോവിഡ് മഹാമാരിയുടെ അതിരൂക്ഷമായ പ്രത്യാഘാതങ്ങളിൽപ്പെട്ട് ജനസമൂഹം കഷ്ടനഷ്ടങ്ങൾ സഹിക്കുമ്പോൾ പ്രവർത്തനങ്ങൾക്ക് നേതൃത്വം കൊടുക്കേണ്ട മന്ത്രിമാർ ആരും അധികാരമേൽക്കാത്തതും കസേരകൾ ഒഴിഞ്ഞു കിടക്കുന്നതും ഖേദകരമാണ്.”

Also Read:

“തിരഞ്ഞെടുപ്പിന് ശേഷം ബംഗാൾ, ആസാം, തമിഴ് നാട്, പുതുച്ചേരി തുടങ്ങിയ സംസ്ഥാനങ്ങളിൽ മന്ത്രിസഭ അധികാരമേറ്റ് കോവിഡ് പ്രതിരോധ പ്രവർത്തനങ്ങൾക്ക് ചുക്കാൻ പിടിക്കാൻ സർക്കാരുണ്ടായി. കേരളത്തിൽ മാത്രം ഫലം പ്രഖ്യാപിച്ച് നീണ്ട 18 ദിവസങ്ങൾക്ക് ശേഷമാണ് മന്ത്രിസഭ അധികാരമേൽക്കാൻ പോകുന്നത്. വളരെ ഭീതിദവും ഉൽക്കണ്ഠാജനകവുമായ സംഭവവികാസങ്ങളിലൂടെ സംസ്ഥാനം കടന്നുപോകുമ്പോൾ മന്ത്രിക്കസേരകൾക്ക് വേണ്ടി ഘടകകഷികൾ കടിപിടി കൂടിയും വിലപേശിയും സമയം പാഴാക്കുന്നു. കഴിവതും വേഗം അധികാരമേറ്റ് പ്രശ്ന പരിഹാരത്തിന് സത്വര നടപടികൾ കൈക്കൊള്ളുകയാണ് അടിയന്തിരാവശ്യം.” കുമ്മനം ഫേസ്ബുക്ക് പോസ്റ്റിൽ പറഞ്ഞു.

ഈ മാസം 20 -നാണ് രണ്ടാം പിണറായി മന്ത്രിസഭ സത്യപ്രതിജ്ഞ ചെയ്യുക. സിപിഎം-സിപിഐ ഉഭയകക്ഷി ചർച്ചയിലാണ് സത്യപ്രതിജ്ഞ തിയ്യതി തീരുമാനമായത്. മന്ത്രിമാർ ആരൊക്കെ പദവികൾ എന്തൊക്കെ എന്നുള്ള കാര്യത്തിൽ ഇതിനോടകം തീരുമാനമാകും.