ശശികുമാര് നായകനാകുന്ന പുതിയ തമിഴ് ചിത്രത്തില് മലയാളി താരം അപ്പാനി ശരത്ത് വില്ലനാകുന്നു. തമിഴില് കഴുഗു, ബെല്ബോട്ടം, ശിവപ്പ്,1945 തുടങ്ങിയ സിനിമകള് സംവിധാനം ചെയ്ത സത്യശിവയുടെ പുതിയ സസ്പെന്സ് ത്രില്ലറിലാണ് ശശികുമാറിന് വില്ലനായി അപ്പാനി ശരത്ത് വരുന്നത്. ചിത്രത്തിന്റെ രണ്ടാം ഷെഡ്യൂള് തമിഴ്നാട്ടില് പുരോഗമിക്കുകയാണ്.
ലിജോ ജോസ് പെല്ലിശ്ശേരി ഒരുക്കിയ അങ്കമാലി ഡയറീസിലൂടെയാണ് ശരത്ത് സിനിമയിലെത്തുന്നത്. പിന്നീട് വെളിപാടിന്റെ പുസ്തകം, പോക്കിരി സൈമണ്, പൈപ്പിന് ചുവട്ടിലെ പ്രണയം, ചെക്ക ചിവന്ത വാനം, സണ്ടക്കോഴി 2 കോണ്ടസ, സച്ചിന്, ലൗ എഫ് എം തുടങ്ങിയ മലയാളം സിനിമകളിലും ഓട്ടോശങ്കര് എന്ന വെബ് സീരീസ്, അമല എന്ന തമിഴ് ചിത്രത്തിലും ശരത് വേഷമിട്ടു. മിഷന് സി, ചുങ്കം കിട്ടിയ ആട്ടിന് കൂട്ടം, ചാരം, ബെര്നാര്ഡ്, മിയ കുല്പ്പ തുടങ്ങിയ സിനിമകളും കാളിയാര് കോട്ടേജ് എന്ന വെബ് സീരീസും അപ്പാനി ശരത്തിന്റേതായി പുറത്തിറങ്ങാനുള്ള ചിത്രങ്ങളാണ്. ഇതിനിടെ ജെല്ലിക്കെട്ട് പശ്ചാത്തലത്തില് ഒരുങ്ങുന്ന പുതിയ തമിഴ് ചിത്രവും തമിഴ്നാട്ടില് ചിത്രീകരണം പുരോഗമിക്കുകയാണ്.
ശശികുമാറിനൊപ്പം തനിക്ക് അഭിനയിക്കാന് കഴിഞ്ഞതില് അഭിമാനവും സന്തോഷവുമുണ്ടെന്ന് അപ്പാനി ശരത്ത് പ്രതികരിച്ചു. അദ്ദേഹത്തോടൊപ്പമുള്ള ചിത്രീകരണ അനുഭവം ഏറെ സന്തോഷകരമാണ്. ‘അഭിനയ ജീവിതത്തിലെ മറക്കാനാവാത്ത ഓര്മ്മകളാണ് അതെല്ലാം. ആ ചിത്രവും വളരെ മികച്ച ഒരു പ്രമേയമാണ് മുന്നോട്ട് വെയ്ക്കുന്നത്. ഞാന് ഇതുവരെ അഭിനയിച്ചിട്ടുള്ള കഥാപാത്രങ്ങളില് നിന്ന് തികച്ചും വ്യത്യസ്തമാണ് ഈ ചിത്രത്തിലേത്. തമിഴില് എനിക്ക് ഏറെ ശോഭിക്കാനുള്ള ഒരു ചിത്രമാണിത്. ശരിക്കും ഒരു മാസ് കഥാപാത്രം. ചിത്രം തനിക്കേറെ പ്രതീക്ഷയുള്ളതാണെന്നും അപ്പാനി ശരത്ത് പറയുന്നു.
അനീസ് സംവിധാനം ചെയ്യുന്ന പഗൈവനുക്ക് അരുവൈ എന്ന സിനിമയ്ക്ക് ശേഷം ശശികുമാര് നായകനാകുന്ന ചിത്രം കൂടിയാണിത്. നിര്മ്മാണം ചെന്തൂര് ഫിലിംസാണ്. ഹരിപ്രിയയാണ് ചിത്രത്തിലെ നായിക. രാജ് ഭട്ടാചാര്ജി ക്യാമറ ചലിപ്പിക്കുന്ന ചിത്രത്തിന്റെ സംഗീതം സാം സി എസ്, എഡിറ്റര് ശ്രീകാന്ത് എന് ബി എന്നിവരാണ്. പി ആര് ഒ സുമേരന്
