കരുതൽ ശേഖരമായ 450 ടണ്ണിൽ ഇനി ബാക്കി 86 ടൺ മാത്രമാണുള്ളത്. മേയ് 15ന് സംസ്ഥാനത്ത് ചികിത്സിയിൽ കഴിയുന്ന രോഗികളുടെ എണ്ണം ആറു ലക്ഷത്തിലെത്താമെന്നും മുഖ്യമന്ത്രി പ്രധാനമന്ത്രിക്ക് അയച്ച കത്തിൽ വ്യക്തമാക്കി. ഇതിൽ ഓക്സിജന്റെ ആവശ്യമുള്ള രോഗികളുടെ എണ്ണം വര്‍ദ്ധിച്ചേക്കാമെന്നും സംസ്ഥാനത്ത് നിലവിൽ നാല് ലക്ഷമാണ് രോഗികളുള്ളത്.
കരുതൽ ശേഖരം സംസ്ഥാനത്തിന്റെ ആവശ്യത്തിന് ഉപയോഗിക്കാൻ അനുമതിക്കണം എന്നാണ് കത്തിൽ കേരളം ആവശ്യപ്പെട്ടിരിക്കുന്നത്.
സംസ്ഥാനത്തെ മിക്ക ജില്ലകളിലും ഓക്സിജൻ ക്ഷാമത്തിലേക്കാണ് പൊയ്ക്കൊണ്ടിരിക്കുന്നത്. കാസര്‍കോട് സ്ഥിതി രൂക്ഷാമാണ്. മറ്റ് ജില്ലകളിലും സമാനമായ സാഹചര്യം ഉണ്ടായേക്കാം. ഇത് മുന്നിൽ കണ്ടാണ് മുഖ്യമന്ത്രി സംസ്ഥാനത്ത് ഉത്പാദിപ്പിക്കുന്ന ഓക്സിജൻ പൂര്‍ണമായും സംസ്ഥാനത്തിന് തന്നെ ആവശ്യമാണെന്ന കാര്യം വ്യക്തമാക്കിയത്.
സംസ്ഥാനത്ത് കരുതൽ ശേഖരമായി 450 മെട്രിക് ടൺ ഓക്സിജനാണ് ഉണ്ടായിരുന്നത്. അത് കേന്ദ്ര ഗ്രിഡിനെ ആശ്രയിക്കാതെയാണ് ഓക്സിജൻ ശേഖരം സൂക്ഷിച്ചിരുന്നത്. എന്നാൽ സമീപ സംസ്ഥാനങ്ങളിൽ ഓക്സിജൻ ക്ഷാമത്തെ തുടര്‍ന്ന് അത് നൽകണമെന്ന് കേന്ദ്രത്തിന്റെ ഭാഗത്തു നിന്നും അഭ്യര്‍ത്ഥന വന്നിരുന്നു.
കേരളത്തിന്റെ കരുതൽ ശേഖരത്തിലുണ്ടായിരുന്ന ഓക്സിജൻ അത് തമിഴ്നാടിന് ഇന്നുവരെ നൽകിയിരുന്നു. കണക്ക് പ്രകാരം 40 മെട്രിക് ടൺ ഓക്സിജൻ പ്രതിദിനം തമിഴ്നാടിന് കൊടുത്തുവന്നിരുന്നു.
പാലക്കാടുള്ള സ്വകാര്യ കമ്പനിയാണ് സംസ്ഥാനത്ത് ഏറ്റവുമധികം ഓക്സിജൻ ഉത്പാദിപ്പിക്കുന്നത്. 15ാം തീയതിയാകുമ്പോള്‍ കേരളത്തിന് ആവശ്യമായി വരുന്നത് 450 മെട്രിക് ടൺ ആണ്. അത് കരുതി വയ്ക്കേണ്ട സാഹചര്യമാണുള്ളത്. ഈ സാഹചര്യത്തിലാണ് പ്രധാനമന്ത്രിക്ക് മുഖ്യമന്ത്രി ഒരു കത്ത് അയച്ചിരിക്കുന്നത്.
