തിരുവനന്തപുരം> പി വി അൻവർ ഇന്നലെ ഉന്നയിച്ച കാര്യങ്ങൾ തള്ളിക്കളയുന്നതായി മുഖ്യമന്ത്രി പിണറായി വിജയൻ. പാർടിയ്ക്കും സർക്കാരിനും എൽഡിഎഫിനും എതിരായിട്ടുള്ളയുള്ള കാര്യങ്ങളാണ് അൻവർ ഇന്നലെ പറഞ്ഞിരിക്കുന്നത്. എൽഡിഎഫിൽ നിന്ന് വിട്ടു നിൽക്കുന്നുവെന്ന് പറഞ്ഞതിലൂടെ അൻവറിന്റെ ഉദ്ദേശം വ്യക്തമാണെന്നും മുഖ്യമന്ത്രി പറഞ്ഞു. അന്വേഷണം നിഷ്പക്ഷമായി തുടരുമെന്നും മുഖ്യമന്ത്രി പറഞ്ഞു. പൊളിറ്റ് ബ്യൂറോ യോഗത്തിൽ പങ്കെടുക്കുന്നതിനു മുമ്പ് കേരള ഹൗസിലെ കൊച്ചിൻ ഹൗസിനു മുന്നിൽ വച്ച് മാധ്യമങ്ങളെകാണുകയായിരുന്നു അദ്ദേഹം.
എൽഡിഎഫിന്റെ ശത്രുക്കൾ പ്രചരിപ്പിക്കുന്ന കാര്യങ്ങളാണ് അൻവറും പറയുന്നത്. അൻവർ ഉന്നയിച്ച കാര്യങ്ങളെല്ലാം തള്ളികളയുകയാണ്. അൻവർ പാർടിയെയും സർക്കാരിനെയും അപകീർത്തിപ്പെടുത്താനാണ് ശ്രമിക്കുന്നതെന്നും സംഭവത്തിൽ കൂടുതൽ കാര്യങ്ങൾ പിന്നീട് പറയുമെന്നും മുഖ്യമന്ത്രി പറഞ്ഞു.
