അണ്ടർ 20 ഏഷ്യൻ കപ്പ്‌ ഫുട്‌ബോൾ ; മംഗോളിയയെ 
തകർത്ത്‌ ഇന്ത്യ

വിയെന്റിയാനെ (ലാവോസ്)
അണ്ടർ 20 ഏഷ്യൻ കപ്പ് ഫുട്ബോൾ യോഗ്യതാ മത്സരത്തിൽ ഇന്ത്യക്ക് ഉശിരൻ ജയം. മംഗോളിയയെ 4–-1ന് മുക്കി. മാൻഗ്ലെൻതാങ് കിപെഗെൻ ഇരട്ടഗോൾ നേടിയപ്പോൾ കെൽവിൻ സിങ് ടവോറെമും കൊരോ സിങ് തിൻഗുജാമും ലക്ഷ്യം കണ്ടു. മംഗോളിയയുടെ ഗോൾ തെമുലെൻ ഉഗാൻബാത് നേടി. ക്യാപ്റ്റൻ തോമസ് ചെറിയാനും എബിൻദാസ് യേശുദാസും ടീമിലെ മലയാളികളാണ്. നാളെ ഇറാനുമായാണ് അടുത്ത മത്സരം.