ലഖ്നൗ > ലഖ്നൗവിൽ ബാങ്ക് ജീവനക്കാരി കുഴഞ്ഞു വീണ് മരിച്ചു. ഗോമതി നഗറിലെ എച്ച്ഡിഎഫ്സിയുടെ വിഭൂതി ഖണ്ഡ് ബ്രാഞ്ചിലെ ഉദ്യോഗസ്ഥയായ സദഫ് ഫാത്തിമയാണ് മരിച്ചത്. ജോലി സമ്മർദ്ദമാണ് മരണത്തിലേക്ക് നയിച്ചതെന്ന് സഹപ്രവർത്തകർ ആരോപിച്ചു.
വിഭൂതി ഖണ്ഡ് ബ്രാഞ്ചിലെ അഡീഷണൽ ഡെപ്യൂട്ടി വൈസ് പ്രിഡന്റാണ് ഫാത്തിമ. ഒഫീസിൽ ജോലി ചെയ്യുന്നതിനിടെ കസേരയിൽനിന്നും ഫാത്തിമ കുഴഞ്ഞ് വീഴുകയായിരുന്നെന്ന് സഹപ്രവർത്തകർ പറഞ്ഞു. ഉടനെ സമീപത്തെ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതശരീരം പോസ്റ്റ്മോർട്ടം നടപടികൾക്കായി മോർച്ചറിയിലേക്ക് മാറ്റി.
