ഹുലുന്ബുയര് > ഏഷ്യന് ചാമ്പ്യന്സ് ട്രോഫി ഹോക്കിയുടെ ഫൈനലിൽ ചൈനയെ തോൽപ്പിച്ച് കിരീടമുയർത്തി ഇന്ത്യ. എതിരില്ലാത്ത ഒരു ഗോളിനായിരുന്നു ഇന്ത്യയുടെ വിജയം. നാലാം ക്വാർട്ടറിൽ ഇന്ത്യയ്ക്ക് വേണ്ടി ജുഗ്രാജ് സിങ്ങാണ് വിജയഗോൾ നേടിയത്.
ഏഷ്യന് ചാമ്പ്യന്സ് ട്രോഫിയിലെ അഞ്ചാം കിരീടമാണ് ഇന്ത്യ ഇതോടെ സ്വന്തമാക്കിയത്. ആദ്യ ഫൈനലായിരുന്നു ചൈനയുടേതെങ്കിലും മികച്ച രീതിയിലായിരുന്നു അവർ കളിയാരംഭിച്ചത്. കൗൺടർ അറ്റാക്കുകളിലൂടെ ഇന്ത്യൻ ഗോൾ മുഖത്തേക്കെത്തിയെങ്കിലും ഗോൾ നേടാനായില്ല. അതേ സമയം ഇന്ത്യയ്ക്ക് ലഭിച്ച രണ്ട് പെനാൽറ്റി കോർണറുകൾ ഗോളാക്കാൻ സാധിച്ചതുമില്ല. രണ്ടാം ക്വാർട്ടറിൽ ഇന്ത്യ ആക്രമിച്ച് കളിച്ചെങ്കിലും ചൈനീസ് പ്രതിരോധം ഉറച്ചുനിന്നു.
കിരീടത്തിനായി ആക്രമിച്ച് കളിച്ച ഇന്ത്യ 51-ആം മിനുട്ടിലാണ് ജുഗ്രാജ് സിങ്ങിലൂശട ലക്ഷ്യം കണ്ടത്. ഇന്ത്യ ലീഡെടുത്തതോടെ ചൈനയും ആക്രമണം ആരംഭിച്ചെങ്കിലും ഫലമുണ്ടായില്ല.
