സ്‌കൂൾ ഭക്ഷണത്തിൽ ചത്ത ഓന്ത്; 65 വിദ്യാർഥികൾ ആശുപത്രിയിൽ

റാഞ്ചി> ജാര്ഖണ്ഡിലെ സർക്കാർ സ്കൂളില് ഭക്ഷണത്തിൽ ചത്ത ഓന്ത്. ദംക ജില്ലയിലെ തൊങ്റ പ്രദേശത്തെ സ്കൂളിലാണ് കുട്ടികൾക്ക് ഭക്ഷണത്തിൽ നിന്ന് ചത്ത ഓന്തിനെ ലഭിച്ചത്. ഭക്ഷണം കഴിച്ച ഉടൻ വിദ്യാര്ഥികള് ഛര്ദിക്കുകയായിരുന്നു. തുടർന്ന് 65 വിദ്യാർഥികളെയാണ് മസാലിയയിലെ ആരോഗ്യ കേന്ദ്രത്തില് പ്രവേശിപ്പിച്ചത്. നിലവില് വിദ്യാർഥികളുടെ ആരോഗ്യ സ്ഥിതി തൃപ്തികരമാണെന്ന് പൊലീസ് പറഞ്ഞു.