ഇസ്ലാമാബാദ് > പാക്കിസ്ഥാനിലെ ബലൂചിസ്ഥാനിൽ 23 ബസ് യാത്രക്കാരെ വെടിവച്ച് കൊന്നു. ബലൂചിസ്ഥാനിലെ മുസാഖേൽ ജില്ലയിലാണ് അക്രമികൾ യാത്രക്കാരെ വെടിവച്ച് കൊലപ്പെടുത്തിയത്. യാത്രക്കാരെ ബസിൽ നിന്നിറക്കി ഐഡി കാർഡുകൾ പരിശോധിച്ച ശേഷമാണ് വെടിവച്ച് കൊലപ്പെടുത്തിയതെന്ന് മാധ്യമങ്ങൾ റിപ്പോർട്ട് ചെയ്തു.
നിരോധിത തീവ്രവാദി സംഘമാണ് അക്രമത്തിനു പിന്നിലെന്ന് പൊലീസ് പറഞ്ഞു. കൊല്ലപ്പെട്ടവരിൽ 3 പേർ ബലൂചിസ്ഥാനിൽ നിന്നും മറ്റുള്ളവർ പഞ്ചാബിൽ നിന്നുമുള്ളവരാണെന്നാണ് വിവരം. അക്രമികൾ നിരവധി വാഹനങ്ങൾക്ക് തീയിടുകയും ചെയ്തു.
