തിരുവനന്തപുരം > കഴക്കൂട്ടത്ത് നിന്ന് കാണാതായ അസം സ്വദേശിനിയായ പതിമൂന്നുകാരി തസ്മിത്ത് തംസിനെ കണ്ടെത്തി. താമ്പരം എക്സ്പ്രസിൽ നിന്നാണ് കുട്ടിയെ കണ്ടെത്തിയത്. 36 മണിക്കൂർ തിരച്ചിലിന് ശേഷമാണ് കുട്ടിയെ കണ്ടെത്താനായത്. പെരമ്പൂറിൽ നിന്നും ഗുവാഹത്തിയിലേക്ക് പുറപ്പെട്ട ട്രെയിൽ കേന്ദ്രീകരിച്ച് നടത്തിയ പരിശോധനയിലാണ് കുട്ടിയെ കണ്ടെത്തിയത്. ജനറൽ കമ്പാർട്ട്മെന്റിലുണ്ടായിരുന്ന കുട്ടിയെ മലയാളികളാണ് കണ്ടെത്തിയത്. കുട്ടിയെ വിശാഖപട്ടണത്ത് ഇറക്കി. തസ്മിത്ത് തംസിനെ ആർപിഎഫിന് കൈമാറിയതായാണ് വിവരം.
കഴക്കൂട്ടത്ത് താമസിക്കുന്ന അതിഥിത്തൊഴിലാളികളുടെ മകളെ കാണാതായത്. അസം സ്വദേശി അൻവർ ഹുസൈന്റെ മകളാണ് തസ്മിത് തംസിൻ. ചൊവ്വ രാവിലെ പത്തോടെ കുട്ടിയെ കാണാതായത്. രാവിലെ കുട്ടിയെ അമ്മ വഴക്കുപറഞ്ഞിരുന്നു. അതിനുശേഷം കാണാതാവുകയായിരുന്നു. കണിയാപുരം ഗേൾസ് ഹൈസ്കൂളിലെ വിദ്യാർഥിനിയാണ്.
