ബംഗളൂരു> സുഹൃത്തുക്കൾക്കൊപ്പമുള്ള പാർടി കഴിഞ്ഞ് മടങ്ങവെ ഇരുപത്തിയൊന്നുകാരിയെ ലിഫ്റ്റ് നൽകിയ ബൈക്ക് യാത്രക്കാരൻ പീഡിപ്പിച്ചു. ഞായറാഴ്ച പുലർച്ചെ ഒന്നോടെയാണ് സംഭവം. കോറമംഗലയിലെ ഗെറ്റ് ടുഗതർ കഴിഞ്ഞ് വീട്ടിലേക്ക് പോകാനാണ് ബൈക്കിലെത്തിയാളോട് ലിഫ്റ്റ് ചോദിച്ചത്. ലിഫ്റ്റ് നൽകിയ ശേഷം വിജനമായ സ്ഥലത്തേക്ക് കൊണ്ടുപോയി പീഡിപ്പിക്കുകയായിരുന്നു.
ഇതിനിടെ സഹായം തേടി പെൺകുട്ടി അയച്ച മേസേജ് കണ്ട് സുഹൃത്തുക്കൾ സ്ഥലത്ത് എത്തിയെങ്കിലും പ്രതി ഓടി രക്ഷപ്പെട്ടു. ഒരു ട്രക്കിന് പിന്നിൽ അർധനഗ്നയായി കണ്ട യുവതിയെ സുഹൃത്തുക്കൾ ആശുപത്രിയിലെത്തിച്ചു. നഗരത്തിലെ കോളേജിൽ അവസാനവർഷ ബിരുദ വിദ്യാർഥിനിയാണ്. അന്വേഷണം തുടങ്ങിയതായി പൊലീസ് അറിയിച്ചു.
