കൊച്ചി > കഴിഞ്ഞ മാസം പുറത്തിറങ്ങിയ ‘ബിഗ് ഡോഗ്സ്’ എന്ന ട്രാക്കിലൂടെ ആഗോള തലത്തിൽ ശ്രദ്ധ നേടിയ മലയാളി റാപ്പറാണ് ഹനുമാൻ കൈൻഡ് എന്ന സൂരജ് ചെറുകാട്ട്. കോടികൾ കാഴ്ചക്കാരുള്ള ബിഗ് ഡോഗ്സ് ഓരോ ദിവസവും പുതിയ റെക്കോർഡുകൾ തീർക്കുകയാണ്. ഈ ട്രാക്കിന്റെ വൻ വിജയത്തിന് ശേഷം അഭിനയ രംഗത്തേക്ക് കുടി ചുവടു വയ്ക്കാൻ ഒരുങ്ങുകയാണ് ഹനുമാൻകൈൻഡ്. ആഷിക് അബു സംവിധാനം ചെയ്യുന്ന റൈഫിൾ ക്ലബ്ബിലൂടെയാണ് ഹനുമാൻ കൈൻഡിന്റെ അരങ്ങേറ്റം.
ഹനുമാൻകൈൻഡ് സിനിമയിൽ അഭിനയിക്കുന്ന കാര്യം ആഷിക് അബു തന്നെയാണ് പുറത്തുവിട്ടത്. ക്യാരക്ടർ പോസ്റ്ററിലുടെയായിരുന്നു പ്രഖ്യാപനം. സിനിമയിൽ ഭീര എന്ന കഥാപാത്രത്തെയാണ് ഹനുമാൻകൈൻഡ് അവതരിപ്പിക്കുന്നത്.
