മലപ്പുറം > മത്സ്യബന്ധനത്തിനിടെ കടലിൽ വീണ മത്സ്യത്തൊഴിലാളിയുടെ മൃതദേഹം കണ്ടെത്തി. പൊന്നാനി സ്വദേശി ഷൗക്കത്തിന്റെ മൃതദേഹമാണ് കണ്ടെത്തിയത്. രാവിലെ മുതലാണ് ഇയാളെ കാണാതായത്.
പുലർച്ചെ നാല് മണിക്കാണ് ഷൗക്കത്ത് ബോട്ടിലില്ലെന്ന് ഒപ്പമുണ്ടായിരുന്ന് മറ്റ് മത്സ്യത്തൊഴിലാളികളുടെ ശ്രദ്ദയിൽപെടുന്നത്. ഇന്നലെ വൈകിട്ടാണ് ഷൗക്കത്ത് ഉൾപ്പെടെയുള്ള ഏഴംഗ സംഘം മത്സ്യബന്ധനത്തിനായി കടലിൽ പോയത്. ആലപ്പുഴ ഭാഗത്താണ് മത്സ്യബന്ധനം നടത്തിയിരുന്നത്.
ഷൗക്കത്തിനെ കാണാതായതിനെ തുടർന്ന് ഒപ്പമുണ്ടായിരുന്നവർ കോസ്റ്റ് ഗാർഡിനെ വിവരം അറിയിച്ചിരുന്നു. കോസ്റ്റ് ഗാർഡും മത്സ്യത്തൊഴിലാളികളും സംയുക്തമായി കടലിൽ നടത്തി തിരച്ചിലിലാണ് മൃതദാഹം കണ്ടത്തിയത്. മൃതദേഹം കൊച്ചിയിലെത്തിച്ച ശേഷം പൊന്നാനിയിലേക്ക് കൊണ്ടുപോകും.
