രക്ഷാസമിതിയില്‍ 
ആഫ്രിക്കയ്‌ക്ക്‌ സ്ഥിരാംഗത്വം നൽകണമെന്ന്‌ ഗുട്ടറസ്‌

ഐക്യരാഷ്ട്ര കേന്ദ്രം
ഐക്യരാഷ്ട്രസഭ രക്ഷാസമിതിയില് ആഫ്രിക്കയ്ക്ക് സ്ഥിരാംഗത്വം നൽകണമെന്ന് സെക്രട്ടറി ജനറൽ അന്റോണിയോ ഗുട്ടറസ് അറിയിച്ചു. രക്ഷാസമിതിയില് ചൈന, ഫ്രാൻസ്, റഷ്യ, യുകെ, യുഎസ് എന്നീ രാജ്യങ്ങൾക്ക് മാത്രമാണ് സ്ഥിരാംഗത്വം. എൺപതു വർഷം കഴിഞ്ഞിട്ടും ഇതേ അവസ്ഥയിൽ തുടരുകയാണ്. വീറ്റോ അധികാരമുള്ള ഈ രാജ്യങ്ങളാണ് ഐക്യരാഷ്ട്രസഭയുടെ നടപടികളെ നിയന്ത്രിക്കുന്നത്. ആഫ്രിക്കയെക്കൂടി കൗൺസിലിൽ ഉൾപ്പെടുത്തുന്നതിലൂടെ കാലാങ്ങളായി ഈ മേഖല നേരിട്ട നീതിനിഷേധത്തിന് പരിഹാരമാകുമെന്നും ഗുട്ടറസ് ചൂണ്ടിക്കാട്ടി.