തും​ഗഭദ്ര ഡാമിന്റെ ഗേറ്റ് തകർന്നു; നാല് ജില്ലകളിൽ ജാ​ഗ്രതാ നിർദേശം

ബംഗളുരു> കർണാടകയിലെ തും​ഗഭദ്ര ഡാമിന്റെ ​19ാമത് ഗേറ്റ് തകർന്നു. ഇന്ന് പുലർച്ചെ ചങ്ങലപൊട്ടിയാണ് ​ഗേറ്റ് തകർന്നതെന്നാണ് വിവരം. 35,000 ക്യൂസെക് ജലമാണ് ഡാമിൽനിന്നും ഒഴുകിയത്. നാല് ജില്ലകളിൽ പ്രത്യേക ജാ​ഗ്രത നിർദേശം പുറപ്പെടുവിച്ചു. ബെല്ലാരി, വിജയന​ഗര, കൊപ്പൽ, റായ്ച്ചൂർ എന്നീ ജില്ലകളിലാണ് ജാ​ഗ്രത നിർദേശം. ഡാമിന് ആകെ 33 ​ഗേറ്റുകളാണുള്ളത്. മർദം ഉയർന്നുള്ള അപകടം ഒഴിവാക്കാൻ എല്ലാ ഷട്ടറുകളും ഭാഗീകമായി തുറന്നതായി അധികൃതർ അറിയിച്ചു.