തിരുവനന്തപുരം
ശത്രു രാജ്യത്തിന്റെ സൈനിക നീക്കങ്ങൾ ആകാശത്ത് നിരീക്ഷിക്കാൻ ശേഷിയുള്ള വ്യോമസേനയുടെ അവാകസ് വിമാനം തലസ്ഥാനത്ത്. രണ്ട് ദിവസമായി വിമാനം നഗരത്തിൽ വട്ടമിട്ട് പറക്കുന്നുണ്ട്.
ശത്രുരാജ്യങ്ങളിലേക്ക് പ്രവേശിക്കാതെ തന്നെ റഡാറിന്റെയും ഇലക്ട്രോണിക് ഉപകരണങ്ങളുടെയും സഹായത്തോടെ നിരീക്ഷിക്കാൻ കഴിയുന്ന എയർബോൺ വാണിങ് ആൻഡ് കൺട്രോൾ സിസ്റ്റമുള്ള വിമാനമാണിത്.
360 ഡിഗ്രിയിൽ നിരീക്ഷണം നടത്താനും കൂടുതൽ ഉയരത്തിൽ പറക്കാനും കഴിയും. കൂടുതൽ കൃത്യതയോടെ ദൃശ്യങ്ങൾ നൽകാൻ കഴിയുന്ന റഡാറുകളുമുണ്ട്. പരീശീലന പറക്കിന്റെ ഭാഗമായാണ് വിമാനം എത്തിയതെന്നാണ് വിവരം.
