പാരീസ് ഒളിമ്പിക്‌സിൽ വീണ്ടും മെഡൽ നേട്ടവുമായി ഇന്ത്യ

പാരീസ്: ഒളിമ്പിക്‌സിൽ ഇന്ത്യ മൂന്നാം മെഡൽ സ്വന്തമാക്കിയിരിക്കുന്നു. 50 എം റൈഫിൽ 3 പൊസിഷനിൽ വ്യാഴാഴ്ചയാണ് സ്വപ്നിൽ കുസാലെ വെങ്കലം നേടിയത്. ചൈനയുടെ യുകുൻ ലിയു (സ്വർണം), ഉക്രെയ്നിൻ്റെ സെർഹി കുലിഷ്, എന്നിവർക്കു പിന്നാലെയാണ് 451.4 എന്ന സ്കോറിൽ സ്വപ്നിൽ തൻ്റെ സ്ഥാനം ഉറപ്പിച്ചത്.

Absolutely thrilled for Swapnil’s epic bronze medal win in shooting at the Paris Olympics! 🥉 Your hard work, grit, and passion have truly paid off. Competing at the highest level and coming away with a medal in shooting is a testament to your dedication and talent. You’ve made… pic.twitter.com/7jxchc5WCX
— Abhinav A. Bindra OLY (@Abhinav_Bindra) August 1, 2024

ലോക ചാമ്പ്യൻഷിപ്പിലും ഏഷ്യൻ ഗെയ്ംസിലും നേടിയ നാലാം സ്ഥാനം എന്ന തൻ്റെ സ്ഥിരം പാറ്റേണാണ് സ്വപ്നിൽ തിരുത്തി കുറിച്ചിരിക്കുന്നത്.പൂനെ റെയിൽവേ ഡിവിഷനിലെ ട്രാവലിംഗ് ടിക്കറ്റ് എക്സാമിനറാണ് 28 കാരനായ സ്വപ്നിൽ കുസാലെ.

ഇന്ത്യയ്ക്ക് ഇതു വരെ ലഭിച്ച മെഡലുകളെല്ലാം ഷൂട്ടിങ്ങിലാണ്. വ്യക്തിഗത ഇനത്തില്‍ മനു ഭാക്കറും ടീം ഇനത്തില്‍ മനുഭാക്കറും സരബ്ജോത് സിംഗും ചേർന്നാണ് ഇന്ത്യക്ക് വെങ്കലം സമ്മാനിച്ചത്.