ഇരട്ട മെഡൽ നേട്ടവുമായി മനു ഭാക്കർ കുറിച്ചത് ചരിത്രം

പാരീസ്: പാരീസ് ഒളിമ്പിക്‌സിൽ ഇന്ത്യൻ ഷൂട്ടർമാരായ മനു ഭാക്കറും സരബ്‌ജോത് സിംഗും വെങ്കല മെഡൽ നേടി. അവസാന റൗണ്ടിൽ 13 ഷോട്ടുകൾക്ക് ശേഷം റിപ്പബ്ലിക് ഓഫ് കൊറിയയെ 16-10ന് തോൽപ്പിച്ചാണ് ഇരുവരും വെങ്കലം നേടിയത്. പാരീസ് ഒളിമ്പിക്സിൽ ഇന്ത്യയുടെ മെഡൽ നേട്ടം ഇതോടെ രണ്ടായി.

പാരീസ് ഒളിപിക്‌സിൽ മനുവിൻ്റെ രണ്ടാമത്തെ വെങ്കല മെഡൽ നേട്ടം കൂടിയാണിത്. ഏതെങ്കിലും ഒരു ഒളിമ്പിക് പതിപ്പിൽ 2 മെഡലുകൾ നേടുന്ന ആദ്യ ഇന്ത്യൻ താരമാണ് മനു. വനിതകളുടെ 25 മീറ്റർ പിസ്റ്റൾ ഇനത്തിൽ മൂന്നാം മെഡൽ നേടാനുള്ള അവസരവും മനു ഭാക്കറിനുണ്ട്.

Extremely humbled by the support and wishes that have been pouring in. This is something that I’ve always dreamt of. Proud to perform at the biggest stage for my country 🇮🇳 ❤️ pic.twitter.com/8U6sHOLulR
— Manu Bhaker🇮🇳 (@realmanubhaker) July 30, 2024

580 സ്കോർ നേടിയാണ് വെങ്കല മെഡൽ ഷൂട്ട് ഓഫിലേക്ക് 10 മീറ്റർ എയർ പിസ്റ്റൾ മിക്സഡ് യോഗ്യതാ റൗണ്ടിൽ മനു ഭാക്കറും സരബ്ജോത് സിംഗും യോഗ്യത നേടിയത്. സരബ്ജോത് ഖേലോ ഇന്ത്യ സ്കോളർഷിപ്പ് അത്‌ലറ്റും ടാർഗെറ്റ് ഒളിമ്പിക് പോഡിയം സ്‌കീം അത്‌ലറ്റും കൂടിയാണ്.

Time to recreate this with 2 (or 3) Olympic medals, queen. pic.twitter.com/unjzRkm7S1
— Johns (@JohnyBravo183) July 30, 2024

മേഡൽ നേടിയ താരങ്ങളെ പ്രധാനമന്ത്രി നരേന്ദ്ര മോദി അഭിനന്ദിച്ചു. ഷൂട്ടര്‍മാര്‍ വീണ്ടും രാജ്യത്തിന് അഭിമാനമായെന്നും, നേട്ടം ഇന്ത്യയ്ക്ക് ഏറെ സന്തോഷമുണ്ടാക്കിയെന്നും മോദി എക്‌സില്‍ കുറിച്ചു.

2022ൽ ഏഷ്യൻ ഗെയിംസിലെ 25 മീറ്റർ പിസ്റ്റൾ ടീമിൽ സ്വർണം നേടിയ താരമാണ് മനു. 2023ൽ ബാക്കുവിൽ നടന്ന ലോക ചാമ്പ്യൻഷിപ്പിലും, ഭോപ്പാലിൽ നടന്ന ലോകകപ്പിലും, 25 മീറ്റർ പിസ്റ്റൾ വിഭാഗത്തിൽ മനു സ്വർണം നേടിയിരുന്നു.