ഗാന്ധിനഗർ > ഗുജറാത്തിൽ പ്ലസ്ടുവിന് സയൻസ് വിഷയങ്ങളിൽ തോറ്റ കുട്ടിക്ക് നീറ്റ് പരീക്ഷയിൽ 720 ൽ 705 മാർക്ക്. ഗുജറാത്ത് ഹയർസെക്കണ്ടറി വിദ്യാഭ്യാസ ബോർഡിന്റെ പ്ലസ്ടു പരീക്ഷയിൽ 700 ൽ 352 മാർക്ക് മാത്രം ലഭിച്ച കുട്ടിക്ക് നീറ്റിന് 705 മാർക്ക് ലഭിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തു
വിദ്യാർഥിക്ക് പ്ലസ്ടു പരീക്ഷയിൽ ഫിസിക്സിന് 21 ഉം കെമിസ്ട്രിക്ക് 31 ഉം ബയോളജിക്ക് 39 ഉം ഇംഗ്ലീഷിന് 59 ഉമാണ് മാർക്ക്. എന്നാൽ നീറ്റ് പരീക്ഷയിൽ ഫിസിക്സിന് 99.8 ശതമാനവും കെമിസ്ട്രിക്കും ബയോളജിക്കും 99.1 ശതമാനം വീതവും ലഭിച്ചു.
