ഡൽഹി: ഇന്ത്യൻ പുരുഷ ക്രിക്കറ്റ് ടീമിന്റെ പരിശീലക സ്ഥാനത്തേക്ക് മുൻ ഇന്ത്യൻ താരം ഗൗതം ഗംഭീർ എത്തുമെന്ന് ഉറപ്പായിക്കഴിഞ്ഞെന്ന് റിപ്പോർട്ട്. ടി20 ലോകകപ്പിന് പിന്നാലെ ഗംഭീർ ഇന്ത്യൻ ടീമിന്റെ പരിശീലക സ്ഥാനം ഏറ്റെടുക്കും. മുൻ താരത്തിന്റെ ഉപാധി ബിസിസിഐ അംഗീകരിച്ചതായി ഇന്ത്യൻ ക്രിക്കറ്റ് വൃത്തങ്ങൾ സൂചിപ്പിച്ചു.
താൻ പരിശീലകനാകുമ്പോൾ സപ്പോർട്ടിംഗ് സ്റ്റാഫിലുള്ളവരെ തീരുമാനിക്കാൻ സമ്മതം നൽകണമെന്ന് ഗംഭീർ പറഞ്ഞിരുന്നു. ഇക്കാര്യം ബിസിസിഐ അംഗീകരിച്ചു. ഇതോടെ ഇന്ത്യൻ ടീമിന്റെ പരിശീലക സംഘത്തിലും മാറ്റമുണ്ടാകുമെന്നാണ് സൂചന. മുമ്പ് രവി ശാസ്ത്രി ഇന്ത്യൻ പരിശീലകനായപ്പോൾ ബാറ്റിങ് പരിശീലകനായിരുന്ന വിക്രം റാഥോറിന് പകരം സഞ്ജയ് ബാംഗർ സ്ഥാനത്ത് എത്തി. എങ്കിലും റാഥോർ സപ്പോർട്ടിങ് സ്റ്റാഫായി തുടർന്നു.
രാഹുൽ ദ്രാവിഡ് പരിശീലകനായി എത്തിയപ്പോഴും റാഥോർ സപ്പോർട്ടിങ് സ്റ്റാഫിൽ ഉണ്ടായിരുന്നു. ഇന്ത്യൻ ക്രിക്കറ്റിന്റെ സപ്പോർട്ടിങ് സ്റ്റാഫിൽ മാത്രമല്ല ടീമിനുള്ളിലും ചില മാറ്റങ്ങൾ വരുത്തുമെന്നാണ് ഗംഭീർ നൽകുന്ന സൂചന. ടി20 ലോകകപ്പിന് ശേഷം ഇന്ത്യയ്ക്ക് സിംബാവ്‍വെയ്ക്കെതിരെ ടി20 പരമ്പരയാണ് നടക്കാനുള്ളത്. ഈ പരമ്പരയിൽ ഗംഭീർ പരിശീലക സ്ഥാനത്തേക്ക് എത്തിയേക്കും.
Read More Sports News Here
- Euro 2024: ആരാകും യൂറോപ്പിന്റെ ചാമ്പ്യന്മാർ? മത്സര ഷെഡ്യൂളും ടീം വിശദാംശങ്ങളും
- ന്യൂയോർക്കിലെ നസാവു സ്റ്റേഡിയം ഇനി ഓർമ്മ; ബൗളിങിനെ തുണച്ച് പിച്ച് പൊളിക്കാൻ ബുൾഡോസർ എത്തി
- ‘കോഹ്ലി ലാഹോറിലോ കറാച്ചിയിലോ കളിക്കുമ്പോഴേ പാക് ആരാധക പിന്തുണയുടെ വലിപ്പം മനസ്സിലാകൂ’
- ലോകകപ്പിൽ ഇന്ത്യയുടെ അടുത്ത മത്സരങ്ങൾ എന്നാണ്?
- ലോകകപ്പ്, ഐപിഎൽ മുന്നൊരുക്കങ്ങൾക്കായി സഞ്ജു ഫോണ്‍ ഓഫാക്കി വച്ചത് മൂന്ന് മാസം
- പ്ലേ ഓഫുകളിൽ പതറുന്ന സഞ്ജു സാംസൺ; കണക്കുകളിലും നിരാശ മാത്രം
