ടി20 ലോകകപ്പ്: ഇന്ത്യ-കാനഡ മത്സരം ഉപേക്ഷിച്ചു; രാജകീയമായി ഇന്ത്യ സൂപ്പർ 8ലേക്ക്

ടി20 ലോകകപ്പിലെ ഇന്ത്യയും കാനഡയും തമ്മിലുള്ള മത്സരം ഉപേക്ഷിച്ചു. നനഞ്ഞ ഔട്ട് ഫീൽഡിനെ തുടർന്ന് ഒരു പന്ത് പോലും എറിയാതെയാണ് മത്സരം ഉപേക്ഷിച്ചത്. ഇന്ത്യ നേരത്തെ തന്നെ സൂപ്പര്‍ എട്ട് ഉറപ്പിച്ചതിനാലും കാനഡ പുറത്തായതിനാലും മത്സരഫലം പ്രസക്തമല്ല.

Lauderhill, Florida 📍
The toss between India and Canada has been delayed due to a wet outfield with the next inspection at 10:30 AM local time.#T20WorldCup | #INDvCAN | 📝: https://t.co/ebhgt3c1ZD pic.twitter.com/PEQgkYjW3s
— ICC (@ICC) June 15, 2024

എങ്കിലും അവസരം പ്രതീക്ഷിച്ചിരുന്ന സഞ്ജു സാംസൺ ഉൾപ്പെടെയുള്ള യുവ താരങ്ങളും ആരാധകരും നിരാശയിലായി.

India and Canada share a point each in Florida as match ends without a ball bowled.#T20WorldCup | #INDvCAN pic.twitter.com/1jXhe7rEvS
— ICC (@ICC) June 15, 2024

ഇന്നലെ നടക്കേണ്ടിയിരുന്നു അമേരിക്ക-അയർലൻഡ് മത്സരവും നനഞ്ഞ ഔട്ട്ഫീൽഡിനെ തുടർന്ന് ഉപേക്ഷിച്ചിരുന്നു. ഒരു പന്ത് പോലും എറിയാൻ കഴിയാതെയാണ് ഈ മത്സരവും ഉപേക്ഷിച്ചത്. ഇതോടെ അമേരിക്ക ടി20 ലോകകപ്പ് ചരിത്രത്തിലാദ്യമായി സൂപ്പർ എട്ടിൽ കടന്നിരുന്നു. ഒപ്പം പാകിസ്താൻ ഗ്രൂപ്പ് ഘട്ടത്തിൽ തന്നെ ലോകകപ്പിൽ നിന്ന് പുറത്താകുകയും ചെയ്തു.

Hello from Florida 👋
Final Group-Stage match for #TeamIndia! 👍 👍
ARE YOU READY❓#T20WorldCup | #CANvIND pic.twitter.com/Kax194pqEG
— BCCI (@BCCI) June 15, 2024

ഇന്ന് നടക്കുന്ന മറ്റൊരു നിർണായക മത്സരത്തിൽ ഇംഗ്ലണ്ട് നമീബിയയെ നേരിടും. ടൂർണമെന്റിൽ നിലനിൽക്കാൻ ഇംഗ്ലണ്ടിന് മത്സരത്തിൽ വിജയം നിർണായകമാണ്. മഴമൂലം മത്സരത്തിന് ഫലം ഉണ്ടാകാതിരിക്കുകയോ നമീബിയ അട്ടിമറി നടത്തുകയോ ചെയ്താൽ ഇംഗ്ലീഷ് ക്രിക്കറ്റ് ടീം സൂപ്പർ എട്ട് കാണാതെ പുറത്താകും.

🚨 UPDATE 🚨
The #CANvIND match has been called off due to wet outfield.
Both the teams share a point each.#T20WorldCup | #TeamIndia
📸 ICC pic.twitter.com/6KiRpe9Y2D
— BCCI (@BCCI) June 15, 2024

ഇന്ത്യ ഏഴ് പോയിൻ്റുമായി ഗ്രൂപ്പ് എയിൽ ഒന്നാമതെത്തി. അവസാന ഗ്രൂപ്പ് മത്സരത്തിന് ശേഷം ഒരു പോയിന്റ് നേടുന്ന കാനഡ പാക്കിസ്ഥാനെ പിന്നിലാക്കി മൂന്നാം സ്ഥാനത്താണ്.