ക്രിക്കറ്റ് താരം ഹാർദിക് പാണ്ഡ്യയും ഭാര്യ നടാഷ സ്റ്റാൻകോവിച്ചും വേർപിരിഞ്ഞതായി കഴിഞ്ഞ കുറച്ച് ദിവസങ്ങളായി അഭ്യൂഹങ്ങൾ പ്രചരിച്ചിരുന്നു. സെർബിയൻ മോഡലായ നടാഷ തൻ്റെ ഇൻസ്റ്റഗ്രാം ഹാൻഡിൽ നിന്ന് പാണ്ഡ്യയെ നീക്കം ചെയ്തതായി ഒരു റെഡ്ഡിറ്റ് ഉപയോക്താവ് ചൂണ്ടിക്കാണിച്ചതോടെ ആണ് കിംവദന്തികൾ ആരംഭിച്ചത്.
കൂടാതെ കഴിഞ്ഞ കുറച്ച് ആഴ്‌ചകളായി ദമ്പതികൾ തങ്ങളുടെ സോഷ്യൽ മീഡിയ ഹാൻഡിലുകളിൽ ചിത്രങ്ങളൊന്നം പങ്കിട്ടില്ലെന്നും ഇയാൾ ചൂണ്ടിക്കാട്ടി. ഇതോടെ, ഇരുവരും തമ്മിൽ വേർപിരിഞ്ഞുവെന്ന് കിംവദന്തികൾ പ്രചരിക്കാൻ തുടങ്ങി. അഭ്യൂഹങ്ങൾക്ക് ആക്കം കൂട്ടി, നടാഷ ഇൻസ്റ്റഗ്രാമിൽ പങ്കുവച്ച സ്റ്റോറികളും ചർച്ചയായിരുന്നു.
എന്നാൽ ഇപ്പോഴിതാ വേർപിരിയൽ വാർത്തകൾക്ക് വിശ്രമം നൽകി പുതിയ ഇൻസ്റ്റഗ്രാം പോസ്റ്റുമായി എത്തിയിരിക്കുകയാണ് നടാഷ. വളർത്ത് മൃഗത്തിന്റെ ചിത്രവും ഹാർദിക് പാണ്ഡ്യയുടെ പേരു പരാമർശിക്കുന്ന ക്യാപ്ഷനുമാണ് നടാഷ പങ്കുവച്ചിരിക്കുന്നത്.
ഇതിനു പുറമേ ഇരുവരുടെയും ചിത്രങ്ങളും താരം റീസ്റ്റോർ ചെയ്തിട്ടുണ്ട്. ഇതോടെ ഇരുവരും തമ്മിലുള്ള പ്രശ്നങ്ങൾ അവസാനിച്ചെന്നാണ് സ്ഥിരീകരിക്കാത്ത റിപ്പോർട്ടുകൾ പുറത്തു വരുന്നത്. ഈ വർഷത്തെ ഐപിഎൽ മത്സരങ്ങളിൽ മുംബൈ ഇന്ത്യൻസ് ടീമും ക്യാപ്റ്റൻ ഹാർദിക് പാണ്ഡ്യയും മോശം പ്രകടനമാണ് കാഴ്ചവച്ചത്.
രോഹിത് ശർമയെ ക്യാപ്റ്റൻ സ്ഥാനത്ത് നിന്ന് നീക്കം ചെയ്തതിൽ അടക്കം വലിയ രീതിയിലുള്ള വിമർശനമാണ് താരം നേരിട്ടത്. വിമർശനങ്ങളിൽ നിന്ന് രക്ഷ നേടാനായി, സഹതാപ തരംഗം സൃഷ്ടിക്കാനുള്ള പി.ആർ തന്ത്രമായിരുന്നു വിവാഹമോചന അഭ്യൂഹങ്ങൾ എന്നാണ് ഓൺലൈനിൽ ഒരുകൂട്ടം ആളുകൾ അഭിപ്രായപ്പെടുന്നത്.
2020ൽ വിവാഹിതരായ ഹാർദികിനും നടാഷയ്ക്കും ഒരു മകനുണ്ട്. കോവിഡ് മഹാമാരിയുടെ പശ്ചാത്തലത്തിൽ ലളിതമായ വിവാഹ ചടങ്ങുകളാണ് നടന്നത്. നിലവിൽ വിവാഹ മോചനത്തെ കുറിച്ചുള്ള ദമ്പതികളുടെ പ്രതികരണത്തിനായി കാത്തിരിക്കുകയാണ് ആരാധകർ.
Read More
- അന്നും ഇന്നും അവർ; നികത്താനാവാത്തൊരു നഷ്ടത്തെ ഓർമ്മിപ്പിക്കുന്നു ഈ ചിത്രമെന്ന് ആരാധകർ
- New OTT Release: നടികർ മുതൽ പവി കെയർ ടേക്കർ വരെ: ഒടിടിയിൽ കാണാം ഏറ്റവും പുതിയ 9 മലയാള ചിത്രങ്ങൾ
- മണിരത്നത്തിന്റെ ചിത്രമാണോ? ഈ 5 കാര്യങ്ങൾ ഉറപ്പായും കാണും!
- അന്ന് ആരണ്യകത്തിലെ അമ്മിണി, ഇന്ന് ഡിഎൻഎയിലെ പാട്ടി; സലീമ തിരിച്ചെത്തുമ്പോൾ
