നേരിട്ടുള്ള ഏറിൽ റണ്ണൗട്ടാക്കി കോഹ്ലി; വിശ്വസിക്കാനാകാതെ ഞെട്ടി ഓസീസ് ഓൾറൗണ്ടർ

ഗുജറാത്ത് ടൈറ്റൻസിന്റെ വെടിക്കെട്ട് ബാറ്റർ ഷാരൂഖ് ഖാനെ തകർപ്പനൊരു ഏറിലൂടെ റണ്ണൗട്ടാക്കി ആർസിബിയുടെ സൂപ്പർ താരം വിരാട് കോഹ്ലി. മത്സരത്തിന്റെ 13ാമത്തെ ഓവറിലായിരുന്നു കാണികളെയും ഗുജറാത്തിനേയും ഞെട്ടിച്ച അത്ഭുത പ്രകടനം ബെംഗളൂരുവിലെ ചിന്നസ്വാമി സ്റ്റേഡിയത്തിൽ പിറന്നത്.

Celebration by King Kohli after the magnificent run-out. 🔥 pic.twitter.com/nSsl7svxe2
— Johns. (@CricCrazyJohns) May 4, 2024

ടോസ് നേടി ആദ്യം ബോളിങ് തിരഞ്ഞെടുത്ത ആർസിബി സിറാജിന്റേയും യഷ് ദയാലിന്റെ ഇരട്ട വിക്കറ്റ് പ്രകടനങ്ങളുടെ കരുത്തിൽ ഗുജറാത്ത് ബാറ്റർമാരെ വരിഞ്ഞുമുറുക്കിയിരുന്നു. 2024 ഐപിഎൽ സീസണിലെ ഏറ്റവും കുറഞ്ഞ പവർപ്ലേ സ്കോറിൽ അവരെ കുരുക്കിയാണ് ബെംഗളൂരു കളിമുറുക്കിയത്.

Cameron Green is impressed with the throw from King Kohli. 😄👌 pic.twitter.com/I0R4rdjaOx
— Johns. (@CricCrazyJohns) May 4, 2024

24 പന്തിൽ 37 റൺസുമായി ബാറ്റുവീശിയ അപകടകാരിയായ ഷാരൂഖിനെ നേരിട്ടുള്ള ത്രോയിലാണ് കോഹ്ലി റണ്ണൗട്ടാക്കിയത്. പതിമൂന്നാം ഓവറിലെ നാലാം പന്തിലായിരുന്നു ഷാരൂഖ് പുറത്തായത്.

VIRAT KOHLI MAGIC IN THE FIELD…!!! 🔥 pic.twitter.com/jYjTd6nBXw
— Johns. (@CricCrazyJohns) May 4, 2024

വിരാട് കോഹ്ലിയുടെ ഏറു കണ്ട് ടീമിലെ സഹതാരവും ഓസ്ട്രേലിയൻ ഓൾറൗണ്ടറുമായ കാമറൂൺ ഗ്രീൻ വരെ ഞെട്ടി. ഗ്രീനിന്റെ മുഖഭാവങ്ങളിൽ നിന്ന് തന്നെ എത്ര മാത്രം സ്പെഷ്യലായിരുന്നു ഈ വിക്കറ്റെന്ന് വ്യക്തമാണ്.