ധോണി ഉടൻ വിരമിക്കുമോ? ആശ്വാസ വാർത്ത പങ്കുവച്ച് ചെന്നൈ പരിശീലകൻ

ഇന്ത്യൻ പ്രീമിയർ ലീഗിൽ തകർപ്പൻ ഫോമിലാണ് ചെന്നൈ സൂപ്പർ കിങ്സ് താരം മഹേന്ദ്ര സിങ് ധോണി. 42കാരനായ മുൻ ചെന്നൈ നായകന്റെ അവസാന സീസണാവും ഇതെന്നാണ് ക്രിക്കറ്റ് ലോകത്തിന്റെ വിലയിരുത്തൽ. ചെന്നൈ ആരാധകരെ ഏറെ അലട്ടുന്ന കാര്യവും ഇതാണ്. ധോണി രാജിവച്ചാൽ പിന്നെ ചെന്നൈയുടെ അവസ്ഥ എന്താകുമെന്ന ആശങ്കയാണ് അവർക്ക്.

എന്നാൽ ഇക്കാര്യത്തിൽ വ്യക്തത വരുത്തുകയാണ് ചെന്നൈ സൂപ്പർ കിങ്സ് ബാറ്റിങ് പരിശീലകൻ മൈക്ക് ഹസ്സി. “കരിയറിലെ ഏറ്റവും മനോഹരമായ സ്ഥലത്താണ് ധോണി ഇപ്പോഴുള്ളത്. എത്ര കാലം വേണമെങ്കിലും ധോണി ഇവിടെ തുടരട്ടെ. ടൂർണമെന്റിന് വരുമ്പോഴും പരിശീലിക്കുമ്പോഴും അയാൾ ഏറെ സന്തോഷവാനാണ്. ക്രിക്കറ്റിലെ എക്കാലത്തെയും മികച്ച ഫിനിഷർമാരിൽ ഒരാളാണ് ധോണി,” ഹസ്സി പറഞ്ഞു.

Onn alumba paatthavan
Ungoppan whisle-ah kaetavanpic.twitter.com/qHfmbI8HSO
— CricTracker (@Cricketracker) April 23, 2024

“ധോണിക്കായി ഓരോ ബൗളർമാരും വ്യത്യസ്ത പദ്ധതികളാണ് തയ്യാറാക്കുന്നത്. കാരണം അത്രമേൽ മികച്ച ഒരു ബാറ്റർക്ക് എതിരെയാണ് ഒരു ബൗളർക്ക് ഇത്രയധികം തന്ത്രങ്ങൾ വേണ്ടിവരുന്നത്. ഐപിഎൽ പ്ലേ ഓഫിലെത്തുകയാണ് ചെന്നൈക്ക് മുമ്പിൽ ഇപ്പോഴുള്ള പദ്ധതി,” ഹസ്സി പറഞ്ഞു.

ഈ സീസണിൽ ധോണി ഇതുവരെ കളിച്ച കളികളിലൊന്നും പുറത്താകാതെ ബാറ്റ് വീശുന്നുണ്ട്. ധോണിയെ ആർക്കും ഇതുവരെ പുറത്താക്കാനായിട്ടില്ല. 35 പന്തുകൾ നേരിട്ട ധോണി ഇതുവരെ 91 റൺസാണ് അടിച്ചെടുത്തത്. ഡൽഹി ക്യാപിറ്റൽസിനെതിരെ 16 പന്തിൽ നേടിയ 37 റൺസാണ് ഉയർന്ന വ്യക്തിഗത സ്കോർ.

MS Dhoni has yet to be dismissed in IPL 2024! pic.twitter.com/9rhOfMpsNI
— CricTracker (@Cricketracker) April 23, 2024

ചെന്നൈയെ 10 ഐപിഎൽ ഫൈനലുകളിൽ എത്തിച്ച എം.എസ്. ധോണി അതിൽ പാതിയും ടീമിനെ ജയിപ്പിച്ച നായകനാണ്. കഴിഞ്ഞ വർഷം വരെ ചെന്നൈയുടെ ക്യാപ്ടനായിരുന്നു ധോണി. എന്നാൽ ഒരു ബാറ്ററെന്ന നിലയിൽ ധോണി നേരിട്ടത് വെറും 57 പന്തുകൾ മാത്രമായിരുന്നു. 12 ഇന്നിങ്സുകളിൽ നിന്ന് ധോണി കളിച്ചത് അത്രയും സമയം മാത്രമാണ്.

MS Dhoni pic.twitter.com/19iawHVH5N
— Shamim. (@ShamimCricSight) April 23, 2024

അതായത് കഴിഞ്ഞ വർഷം ഒരു മത്സരത്തിൽ ശരാശരി അഞ്ച് പന്ത് വീതമാണ് ധോണി കളിച്ചത്. ഓരോ ആറ് പന്ത് കൂടുമ്പോഴും ആരാധകരെ ആവേശത്തിലാറാടിച്ച് അദ്ദേഹം പന്ത് അതിർത്തി കടത്തി. 2018ലാണ് ഐപിഎല്ലിൽ ധോണിയുടെ ബാറ്റിൽ നിന്ന് അവസാനമായൊരു അർധസെഞ്ചുറി പിറന്നത്.