DC vs KKR Live Score, IPL 2024: ഡൽഹി ക്യാപിറ്റൽസിനെതിരെ വെടിക്കെട്ട് ബാറ്റിങുമായി സുനിൽ നരെയ്ൻ. ഡൽഹി ബോളർ ഇഷാന്ത് ശർമ്മയെ ഒരോവറിൽ മുന്നു സിക്സറുകളും രണ്ടു ഫോറും പറത്തിയതുൾപ്പെടെയാണ് നരെയ്ന്റെ തീപാറും പ്രകടനം. ഓൾറൗണ്ടർ സുനിൽ നരെയ്ന്റെയും വിക്കറ്റ് കീപ്പർ ബാറ്റ്സ്മാൻ ഫിൽ സാൾട്ടിന്റെയും മികവിൽ 3.5 ഓവറിലാണ് കൊൽക്കത്ത 50 കടന്നത്. സീസണിലെ ആദ്യ ഫിഫ്റ്റിയും നരെയ്ൻ നേടി.
FIFTY FOR KKR FROM JUST 3.5 OVERS….!!!!
Narine smashed 6,6,4,0,6,4 against Ishant Sharma. 🤯 pic.twitter.com/EYPrBLgTRJ
— Johns. (@CricCrazyJohns) April 3, 2024
ഡൽഹി ക്യാപിറ്റൽസും കൊൽക്കത്ത നൈറ്റ് റൈഡേഴ്സും തമ്മിൽ വിശാഖപട്ടണത്ത് നടക്കുന്ന മത്സരത്തിൽ ടോസ് നേടിയ കൊൽക്കത്ത ആദ്യം ബാറ്റിങ് തിരഞ്ഞെടുക്കുകയായിരുന്നു. കളിച്ച രണ്ടു മത്സരങ്ങളിലെയും വിജയത്തിന്റെ ആത്മവിശ്വാസത്തോടെയാണ് കൊൽക്കത്ത ഇന്ന് കളത്തിലിറങ്ങിയത്.
26 RUNS IN A SINGLE OVER BY NARINE. 🔥
– THIS IS MADNESS..!!!!pic.twitter.com/U3Sg2woS2a
— Johns. (@CricCrazyJohns) April 3, 2024
നിലവിലെ ചാമ്പ്യന്മാരായ ചെന്നൈ സൂപ്പർ കിങ്സിനെ തോൽപ്പിച്ച ആത്മവിശ്വാസത്തോടെയാണ് ഡൽഹി കളിക്കുന്നത്. പൃഥ്വി ഷാ, ഡേവിഡ് വാർണർ, ഋഷഭ് പന്ത് എന്നിവരുടെ ബാറ്റിങ് കരുത്തും, മികച്ച ബൗളിങ് പ്രകടനവുമാണ് ഡൽഹിക്ക് സീസണിലെ ആദ്യ വിജയം നേടിക്കൊടുത്തത്.
ടീമുകൾ:
ഡൽഹി കാപിറ്റൽസ് : പൃഥ്വി ഷാ, ഡേവിഡ് വാർണർ, മിച്ചൽ മാർഷ്, റിഷഭ് പന്ത് ( ക്യാപ്റ്റൻ, വിക്കറ്റ് കീപ്പർ), ട്രിസ്റ്റൻ സ്റ്റബ്സ്, അഭിഷേക് പോറെൽ, അക്സർ പട്ടേൽ, ആൻറിച്ച് നോർജെ, മുകേഷ് കുമാർ, ഇഷാന്ത് ശർമ, ഖലീൽ അഹമ്മദ്.
കൊൽക്കത്ത നൈറ്റ് റൈഡേഴ്സ്: ഫിൽ സാൾട്ട് (വിക്കറ്റ് കീപ്പർ), സുനിൽ നരെയ്ൻ, വെങ്കിടേഷ് അയ്യർ, ശ്രേയസ് അയ്യർ (ക്യാപ്റ്റൻ), രമൺദീപ് സിംഗ്, റിങ്കു സിംഗ്, ആന്ദ്രെ റസ്സൽ, മിച്ചൽ സ്റ്റാർക്ക്, അനുകുൽ റോയ്, ഹർഷിത് റാണ, വരുൺ ചക്രവർത്തി.
