അനുഷ്കയ്ക്ക് ഒന്നിലേറെ ഫ്ലൈയിങ് കിസ്സ്; ക്യൂട്ട് എക്സ്പ്രഷനുകളുമായി കോഹ്ലി, വീഡിയോ

ഐപിഎൽ മത്സര ശേഷം കുടുംബാംഗങ്ങളുമായി വീഡിയോ കോൾ ചെയ്യുന്ന ആർസിബിയുട ഇതിഹാസ താരം വിരാട് കോഹ്ലിയുടെ വീഡിയോ സമൂഹ മാധ്യമങ്ങളിൽ വൈറലാകുന്നു. പൊതുവെ ക്രിക്കറ്റ് ഗ്രൗണ്ടില്‍ കാണാത്ത മറ്റൊരാളായി കോഹ്ലി മാറിയെന്ന് തോന്നിപ്പിക്കുന്ന വിധമായിരുന്നു താരത്തിന്റെ മുഖഭാവങ്ങളും.

വളരെ കൂളും ഫണ്ണിയുമായി കോഹ്ലിയെ ആണ് പ്രചരിക്കുന്ന വീഡിയോയിൽ കാണാനാകുന്നത്. അനുഷ്ക ശർമ്മയും മകൾ വാമികയുമാണ് അപ്പുറത്തെന്നാണ് സൂചന. ഭാര്യയ്ക്കും മകൾക്കും ഫ്ലൈയിങ് കിസ്സും കോഹ്ലി നൽകുന്നുണ്ട്. പഞ്ചാബിനെതിരായ ഐപിഎൽ മത്സരത്തിന് ശേഷമാണ് ഗ്രൗണ്ടില്‍ വച്ച് കോഹ്ലി വീഡിയോ കോൾ ചെയ്തത്.

ബാക്ക് ക്യാമറയിൽ ഗ്രൗണ്ടിലെ കാഴ്ചകളും സഹതാരങ്ങളേയും കോഹ്ലി കാണിച്ചുനൽകുന്നുണ്ട്. വീണ്ടും വീണ്ടും ഫ്ലൈയിങ് കിസ്സുകളും താരം നൽകുന്നുണ്ട്. അനുഷ്കയുടെ രണ്ടാമത്തെ പ്രസവവുമായി ബന്ധപ്പെട്ട് രണ്ടു മാസത്തിലേറെ കാലം ഇന്ത്യൻ ടീമിൽ നിന്ന് കോഹ്ലി വിട്ടു നിന്നിരുന്നു. കുടുംബത്തോട് ഏറെ അടുപ്പം കാത്തുസൂക്ഷിക്കുന്ന ക്രിക്കറ്ററാണ് കോഹ്ലി.

Virat Kohli on video call with his family.
Look at his cute expressions 🫶🏼😭#ViratKohli𓃵 #RCBvsPBKS pic.twitter.com/PEdIpdWwQR
— Satyam (@iamsatypandey) March 25, 2024

അപ്പുറത്ത് നിന്നുള്ള ആളുടെ തമാശകൾ കേട്ട് പൊട്ടിച്ചിരിക്കുന്ന കോഹ്ലിയേയും കാണാം. ഗ്രൌണ്ടിലെ തിരക്കുകളിൽ നിന്ന് മാറി ഒറ്റയ്ക്ക് സമയം കണ്ടെത്തിയാണ് കിങ് കോഹ്ലി അനുഷ്കയുമായി സംസാരിക്കുന്നത്. എന്നാൽ, ഐപിഎൽ സംപ്രേക്ഷണം ചെയ്യുന്ന സ്റ്റാർ സ്പോർട്സ് ലൈവായി തന്നെ ഈ ദൃശ്യം പ്രേക്ഷകരിലേക്ക് എത്തിച്ചു.