സോഷ്യൽ മീഡിയയിൽ പ്രകമ്പനം സൃഷ്ടിച്ച് മുൻ ഇന്ത്യൻ ക്രിക്കറ്റ് നായകൻ മഹേന്ദ്ര സിങ് ധോണിയുടെ ചിത്രം. ധോണി കളിക്കുന്ന ഐ.പി.എൽ ഫ്രാഞ്ചൈസി ക്ലബ്ബായ ചെന്നൈ സൂപ്പർ കിങ്സ് തന്നെയാണ് നായകന്റെ ഏറ്റവും പുതിയ ചിത്രങ്ങൾ ഒഫീഷ്യൽ പേജിലൂടെ പങ്കുവച്ചത്. മുടി നീട്ടിവളർത്തി റെയ്ബാൻ കൂളിങ് ഗ്ലാസും വച്ച് ശാന്തനായിരിക്കുന്ന ധോണിയുടെ കൂൾ ലുക്കാണ് ശ്രദ്ധേയമാകുന്നത്.
ഓവർ സൈസ്ഡ് ടീ വൈറ്റ് ഷർട്ടിൽ ഗ്രീൻ, റെഡ് ലൈനിലുള്ള ബോർഡറുകൾ കാണാം. ഇതിനൊപ്പം കോഫീ കളറിലുള്ള കാർഗോ പാന്റ്സുമാണ് ധോണിയുടെ വേഷം. “കൂൾ കൂളർ തല” എന്നാണ് ധോണിയുടെ ഈ ചിത്രത്തിന് സി.എസ്.കെ നൽകിയിരിക്കുന്ന തലക്കെട്ട്.
Cool – Cooler – Thala! 😎💛 pic.twitter.com/hjA6sbYIWN
— Chennai Super Kings (@ChennaiIPL) February 12, 2024
ധോണിയുടെ ഈ സ്റ്റൈലിഷ് ലുക്ക് മാസ്സും കൂളുമാണെന്നാണ് ചെന്നൈ സൂപ്പർ കിങ്സ് ആരാധകർ കമന്റ് ചെയ്യുന്നത്. ധോണിയുടെ ഇന്നേവരെയുള്ളതിൽ വച്ച് ഏറ്റവും കൂൾ ലുക്ക് ഇതാണെന്നാണ് ഒരു ആരാധകൻ പുകഴ്ത്തിയത്.
Uber Cool Look Stylish ❤️ pic.twitter.com/QDNZrEYp11
— Prakash (@JeyVamos) February 12, 2024
തലയുടെ സ്വാഗ് വേറെ ലെവൽ എന്നാണ് മറ്റൊരാൾ കുറിച്ചത്. സ്റ്റൈലിഷ് എവർ എന്ന് മറ്റൊരാളും താരത്തെ പുകഴ്ത്തി. ചെന്നൈയുടേയും ധോണിയുടേയും ആരാധകർ വലിയ ആവേശത്തോടെയാണ് ഈ പോസ്റ്റ് ഏറ്റെടുത്തത്. നിരവധി പേർ പ്രൊഫൈൽ പിക്കായും ഈ ചിത്രം തിരഞ്ഞെടുത്തു.
