വിരാട് കോഹ്ലി രണ്ടാമതും അച്ഛനാവുന്നു. കോഹ്ലിയും അനുഷ്‌ക ശർമ്മയും തങ്ങളുടെ രണ്ടാമത്തെ കുഞ്ഞിനായുള്ള കാത്തിരിപ്പിലാണെന്ന് കോഹ്ലിയുടെ അടുത്ത സുഹൃത്തും ദക്ഷിണാഫ്രിക്കൻ ക്രിക്കറ്ററുമായ എബി ഡിവില്ലിയേഴ്സ് കഴിഞ്ഞ ദിവസം തന്റെ യൂ ട്യൂബിലൂടെ വെളിപ്പെടുത്തി. ഇക്കാരണത്താലാണ് ഇംഗ്ലണ്ടിനെതിരായ ആദ്യ 2 ടെസ്റ്റ് മത്സരങ്ങളിൽ നിന്നും കോഹ്ലി വിട്ടു നിക്കുന്നതെന്നും ഡിവില്ലിയേഴ്സ് വ്യക്തമാക്കി.
“എനിക്കറിയാവുന്നത് അവൻ സുഖമായിരിക്കുന്നു എന്നാണ്. കുടുംബത്തോടൊപ്പം അൽപ്പം സമയം ചിലവഴിക്കുന്നതിനാൽ ആദ്യ രണ്ട് ടെസ്റ്റ് മത്സരങ്ങളും കളിക്കില്ല. മറ്റൊന്നും ഞാൻ സ്ഥിരീകരിക്കാൻ പോകുന്നില്ല. അവനെ തിരികെ കാണാൻ എനിക്ക് കാത്തിരിക്കാനാവില്ല. അവൻ സുഖമായിരിക്കുന്നു, അവൻ നന്നായി പ്രവർത്തിക്കുന്നു,” എബി ഡിവില്ലിയേഴ്സ് യുട്യൂബിൽ പറഞ്ഞു.
റോയൽ ചലഞ്ചേഴ്‌സ് ബാംഗ്ലൂരിലെ സഹതാരങ്ങളായിരുന്ന കോഹ്ലിയും ഡിവില്ലിയേഴ്സും മൈതാനത്തിന് പുറത്തും വളരെ അടുത്ത ബന്ധമാണ് പുലർത്തുന്നത്. താനും കോഹ്ലിയും തമ്മിലുള്ള സംസാരങ്ങളിൽ നിന്നുള്ള വിവരങ്ങൾ പങ്കിട്ടുകൊണ്ടാണ് കോഹ്ലി രണ്ടാമതും അച്ഛനാവാൻ പോകുന്നുവെന്ന കാര്യം സ്ഥിരീകരിച്ചത്. “അതിനാൽ ഞാൻ അദ്ദേഹത്തിന് എഴുതി ‘കുറച്ചു കാലമായി ബിസ്‌ക്കറ്റ് നിങ്ങളുമായി (sic) ചെക്ക് ഇൻ ചെയ്യാൻ ആഗ്രഹിക്കുന്നു. സുഖമാണോ?’. അദ്ദേഹം പറഞ്ഞു, ‘ഇപ്പോൾ കുടുംബത്തോടൊപ്പം ഉണ്ടായിരിക്കണം. ഞാൻ നന്നായി തന്നെ മുന്നോട്ട് പോകുന്നു.”
“അതെ, അവന്റെ രണ്ടാമത്തെ കുട്ടി വഴിയിലാണ്. അതിനാൽ തന്നെ ഇത് കുടുംബത്തിനായി ചിലവഴിക്കേണ്ട സമയമാണ്, കാര്യങ്ങൾ അദ്ദേഹത്തിന് പ്രധാനമാണ്. നിങ്ങൾ സ്വയം സത്യവും സത്യസന്ധനുമല്ലെങ്കിൽ, നിങ്ങൾ എന്തിനു വേണ്ടിയാണ് ഇവിടെ വന്നിരിക്കുന്നത് എന്നതിന്റെ ട്രാക്ക് നഷ്‌ടമാകും. മിക്ക ആളുകളുടെയും മുൻഗണന കുടുംബമാണെന്ന് ഞാൻ കരുതുന്നു. അതിലൂടെ വിരാടിനെ വിലയിരുത്താൻ കഴിയില്ല. അതെ, ഞങ്ങൾ അവനെ മിസ് ചെയ്യുന്നു. പക്ഷേ, അദ്ദേഹം തീർത്തും ശരിയായ തീരുമാനമാണ് എടുത്തത്,” ഡിവില്ലിയേഴ്സ് കൂട്ടിച്ചേർത്തു.
Thankyou for the update ABD
pic.twitter.com/FT1eZ1N1oe
— Kohlified. (@123perthclassic) February 3, 2024
അഞ്ച് ടെസ്റ്റുകളുള്ള പരമ്പരയിൽ ഇംഗ്ലണ്ടിനെതിരായ ആദ്യ രണ്ട് ടെസ്റ്റുകൾ കോഹ്ലിക്ക് നഷ്ടമായതോടെ, എന്തുകൊണ്ടാണ് കോഹ്ലി രണ്ട് ടെസ്റ്റുകൾ ഒഴിവാക്കിയത് എന്നതിനെക്കുറിച്ച് ധാരാളം അഭ്യൂഹങ്ങൾ പരന്നിരുന്നു. എന്നാൽ ആദ്യ രണ്ട് മത്സരങ്ങൾ ഒഴിവാക്കിയതന്റെ കാരണം കോഹ്ലിയോ ഇന്ത്യൻ ക്രിക്കറ്റ് കൺട്രോൾ ബോർഡോ (ബിസിസിഐ) ഇതുവരെയും ഔദ്യോഗികമായി വ്യക്തമാക്കിയിട്ടില്ല.
- ‘ഇതാണ് ആ യോർക്കർ;’ മിഡില്‍ സ്റ്റംപ് തെറിപ്പിച്ച് ബുമ്ര മാജിക്ക്
- മരണത്തേയും തോൽപ്പിച്ച് അനശ്വരതയിലേക്കൊരു ബെക്കന്‍ ബോവര്‍ ഫ്രീകിക്ക്
- പാണ്ഡ്യ, രോഹിത്, കോഹ്ലി; ആരാകും ടി20 ലോകകപ്പിലെ നായകൻ?
- മെസ്സിയും കൂട്ടരും വരുന്നു; കേരളത്തിൽ കളിക്കാമെന്ന് അർജന്റീന സമ്മതിച്ചു
- കൈകളില്ലെങ്കിലും ക്രിക്കറ്റ് കളിക്കും; സച്ചിൻ പോലും കാണാൻ കൊതിക്കുന്ന ക്രിക്കറ്റർ, വീഡിയോ
