India vs Uzbekistan AFC Asia Cup Live Score: എ എഫ് എസി ഏഷ്യാ കപ്പിലെ രണ്ടാം ഗ്രൂപ്പ് മത്സരത്തിൽ ഉസ്ബക്കിസ്ഥാനെ നേരിടുന്ന ഇന്ത്യ ആദ്യ പകുതി അവസാനിക്കുമ്പോൾ മൂന്ന് ഗോളിന് പിന്നിലാണ്. അബ്ബോസ്ബെഗ് ഫായ്സുള്ളയേവ് (4), ഇഗോർ സെർഗീവ് (18), ഷെർസോദ് നസറുള്ളേവ് (45+4) എന്നിവരാണ് എതിരാളികൾക്കായി ഗോൾ നേടിയത്.
സുനിൽ ഛേത്രിക്കും കൂട്ടർക്കും ജയമെന്ന ലക്ഷ്യം മാത്രമെ മുന്നിലുള്ളൂ. പ്രീ ക്വാർട്ടർ മത്സരങ്ങൾക്ക് യോഗ്യത നേടണമെങ്കിൽ നീലപ്പടയ്ക്ക് ഇന്ന് ജയം അനിവാര്യമാണ്. ആദ്യ മത്സരത്തിൽ കരുത്തരായ ഓസ്ട്രേലിയയോട് 2-0ന് ഇന്ത്യ തോറ്റിരുന്നു.
തോറ്റാൽ ടൂർണമെന്റിൽ നിന്ന് ഇന്ത്യ പുറത്താകുമെന്ന സ്ഥിതിയാണുള്ളത്. സമനിലയും പോയിന്റ് പട്ടികയിൽ ഇന്ത്യയുടെ സ്ഥാനം മെച്ചപ്പെടുത്തില്ല. ഇന്ത്യൻ സമയം രാത്രി 8 മണി മുതലാണ് അൽ റയ്യാനിലെ അഹമ്മദ് ബിൻ അലി സ്റ്റേഡിയത്തിൽ ആവേശപ്പോരാട്ടം നടക്കുന്നത്. ഫിഫ റാങ്കിങ്ങിലെ 68ാം സ്ഥാനക്കാരായ ഉസ്ബക്കിസ്ഥാനോട് കഴിഞ്ഞ അഞ്ച് തവണ ഏറ്റുമുട്ടിയപ്പോൾ ഒരിക്കൽ മാത്രമാണ് ഇന്ത്യയ്ക്ക് ജയിക്കാൻ സാധിച്ചിട്ടുള്ളത്.
ഓസ്ട്രേലിയയോട് ആദ്യ പകുതിയിൽ പുറത്തെടുത്ത പോരാട്ട മികവ് ഇന്നത്തെ മത്സരത്തിൽ ആവർത്തിക്കാനാകും ഇന്ത്യയുടെ ശ്രമം. ഓസീസിനെതിരെ പ്രതിരോധത്തിൽ മികവ് പുലർത്തിയപ്പോൾ ആക്രമണത്തിൽ പിന്നോട്ടു പോയിരുന്നു.
- കൈകളില്ലെങ്കിലും ക്രിക്കറ്റ് കളിക്കും; സച്ചിൻ പോലും കാണാൻ കൊതിക്കുന്ന ക്രിക്കറ്റർ, വീഡിയോ
- കംഗാരുക്കളുടെ രണ്ടടിയിൽ വീണു; എഎ‍ഫ്‌സി ഏഷ്യന്‍ കപ്പില്‍ ഇന്ത്യയ്ക്ക് പിഴച്ചതെവിടെ?
- മരണത്തേയും തോൽപ്പിച്ച് അനശ്വരതയിലേക്കൊരു ബെക്കന്‍ ബോവര്‍ ഫ്രീകിക്ക്
- പാണ്ഡ്യ, രോഹിത്, കോഹ്ലി; ആരാകും ടി20 ലോകകപ്പിലെ നായകൻ?
- മെസ്സിയും കൂട്ടരും വരുന്നു; കേരളത്തിൽ കളിക്കാമെന്ന് അർജന്റീന സമ്മതിച്ചു
- റാഷിദ് ഖാനെ തൂക്കിയടിച്ച് സഞ്ജു ടി20 ലോകകപ്പ് കളിക്കുമോ; രോഹിത് റിട്ടേൺസ്
