സൂപ്പർ സ്പോർട്സ് പാർക്കിൽ ഇന്ത്യ-ദക്ഷിണാഫ്രിക്ക ഒന്നാം ക്രിക്കറ്റ് ടെസ്റ്റിന് തുടക്കമാകുകയാണ്. ലോകകപ്പ് ഫൈനലിലെ പരാജയത്തിന് ശേഷം രോഹിത് ശർമ്മ, വിരാട് കോഹ്ലി, ജസ്പ്രീത് ബുംറ, മുഹമ്മദ് ഷമി, മുഹമ്മദ് സിറാജ് എന്നിവർ ടീമിലേക്ക് ഇന്ന് തിരിച്ചെത്തുകയാണ്. ചരിത്രത്തിൽ ഇതേവരെ ദക്ഷിണാഫ്രിക്കയിൽ ഒരു ടെസ്റ്റ് പരമ്പര ജയിക്കാൻ ഇന്ത്യയ്ക്ക് സാധിച്ചിട്ടില്ല. ചരിത്രം തിരുത്തിക്കുറിക്കാൻ രോഹിത്തിനും സംഘത്തിനും കഴിയുമോയെന്നാണ് ക്രിക്കറ്റ് ലോകം അടുത്ത അഞ്ച് നാൾ ഉറ്റുനോക്കുക.
