അവിടെ ‘ഷമി ജൂനിയറി’ന്റെ താലികെട്ട്; ഇവിടെ ഇന്ത്യ തോറ്റു; വേഗം തിരിച്ചുവരണേയെന്ന് ആരാധകർ

ഇന്ത്യയുടെ യുവ സ്റ്റാർ പേസർ മുകേഷ് കുമാർ വിവാഹിതനായി. ബിഹാർ സ്വദേശിയായ മുകേഷ് കുമാർ ചൊവ്വാഴ്ച ഉത്തർപ്രദേശിലെ ഗോരഖ്പൂരിൽ വച്ചാണ് വിവാഹിതനായത്. ഛപ്രയിലെ ബനിയപൂർ ബെറൂയി സ്വദേശിനിയായ ദിവ്യ സിങ് ആണ് വധു. ഇന്ത്യൻ താരങ്ങളും വിവാഹത്തിൽ പങ്കെടുക്കുന്നുണ്ട്. ഫെബ്രുവരിയിൽ വിവാഹനിശ്ചയം കഴിഞ്ഞിരുന്നു.

അതേസമയം, വിവാഹം കാരണം മുകേഷ് സിങ്ങ് ഇന്നലെ കളിക്കാത്തതിനാലാണ് ഇന്ത്യ ഓസ്ട്രേലിയയോട് തോറ്റതെന്നാണ് ആരാധകരിൽ ചിലരുടെ പരാതി. താരം നാലാം ടി20 മത്സരത്തിന് ടീമിൽ ഉണ്ടാകണമെന്നും ആരാധകർ സോഷ്യൽ മീഡിയയിൽ കുറിച്ചു.

He takes a marriage leave and India falls apart. Sir Mukesh Kumar, India missing you pic.twitter.com/YfOPFcxVdk
— Mohit Katta (@MohitKattaC1733) November 28, 2023

ഗോപാൽഗഞ്ചിലെ സദർ പ്രഖണ്ഡിൽ കാശിനാഥ് സിങ്ങിന്റേയും മാലതി ദേവിയുടെയും മകനാണ് മുകേഷ്. കൊൽക്കത്തയിൽ ടാക്സി ഡ്രൈവറാണ് പിതാവ് കാശിനാഥ്. താരദമ്പതികൾ വിവാഹച്ചടങ്ങിൽ നൃത്തം ചെയ്യുന്ന വീഡിയോകളും സോഷ്യൽ മീഡിയയിൽ പ്രചരിക്കുന്നുണ്ട്.

Congratulations Mukesh Kumar.
– Wishing a happy married life…..!!!! pic.twitter.com/uYFjGXEJSF
— Johns. (@CricCrazyJohns) November 29, 2023

ഈ വർഷമാണ് ക്രിക്കറ്റിന്റ മൂന്ന് ഫോർമാറ്റുകളിലും താരം അരങ്ങേറ്റം കുറിച്ചത്. അടുത്തിടെ രവിചന്ദ്രൻ അശ്വിൻ ജൂനിയർ മുഹമ്മദ് ഷമി എന്ന് മുകേഷിനെ വിളിച്ചിരുന്നു. ഓസ്‌ട്രേലിയയ്‌ക്കെതിരായ അഞ്ച് മത്സരങ്ങളുടെ ടി20 പരമ്പരയിൽ മുകേഷ് കുമാർ ഇന്ത്യൻ ടീമിൽ അംഗമായിരുന്നു.

വിവാഹത്തിനായി മുകേഷ് കുമാർ ബിസിസിഐയോട് അവധി ആവശ്യപ്പെട്ടിരുന്നു. ബിസിസിഐ അദ്ദേഹത്തെ വിട്ടയച്ചു. ഇതിന് പുറമെ ദീപക് ചാഹറിനെ ടീമിൽ ഉൾപ്പെടുത്തിയിരുന്നു. നാലാം ടി20 മത്സരത്തിന് മുകേഷ് കുമാറിനെ ഉൾപ്പെടുത്തുമെന്ന് ബിസിസിഐയും അറിയിച്ചു.

Indian cricketer Mukesh Kumar and his bride danced on Bhojpuri song during the Haldi ceremony.
📽️@ChapraZila #MukeshKumar #Cricket #IndianCricketTeam #haldi #marriage pic.twitter.com/8kMZ794jp3
— Sudhanshu Ranjan Pandey (@srpandey007) November 29, 2023

മുകേഷ് കുമാർ ടെസ്റ്റിലും ഏകദിനത്തിലും ടി20യിലും അരങ്ങേറ്റം കുറിച്ചു. ജൂലൈയിൽ വെസ്റ്റ് ഇൻഡീസിനെതിരെ ടെസ്റ്റിലും ഏകദിനത്തിലും അരങ്ങേറ്റം കുറിച്ചു. അതിന് ശേഷം ടി20യിലും അരങ്ങേറ്റം കുറിച്ചു. മുകേഷ് കുമാർ ഇതുവരെ ഒരു ടെസ്റ്റും മൂന്ന് ഏകദിനങ്ങളും ഏഴ് ടി20 മത്സരങ്ങളും കളിച്ചിട്ടുണ്ട്. മുകേഷ് കുമാർ ടെസ്റ്റിൽ രണ്ട് വിക്കറ്റ് വീഴ്ത്തി. ഏകദിനത്തിലും ടി20യിലും ഓരോ വിക്കറ്റ് വീതം നേടിയിട്ടുണ്ട്.

शादी के बंधन में बंधे भारतीय क्रिकेटर मुकेश कुमार (mukesh kumar) #marriage #mukeshkumar #cricketer #indiancricketer #28November2023 Venue: The Radiant Resort Gorakhpur pic.twitter.com/ULiVM6XL0o
— Alok Srivastava (@sralok) November 28, 2023