തൃശൂർ > തമിഴ്നാട് വാൽപ്പാറയിൽ പുഴയിൽ കുളിക്കാനിറങ്ങിയ അഞ്ചു വിദ്യാർഥികൾ മുങ്ങി മരിച്ചു. കോയമ്പത്തൂർ എസ്എൻഎംവി കോളേജിൽ നിന്നെത്തിയ പത്തംഗസംഘത്തിലെ അഞ്ചുപേരാണ് മരിച്ചത്. വെള്ളി വൈകീട്ട് നാലോടെയാണ് സംഭവം. കോയമ്പത്തൂർ ഉക്കടം സ്വദേശികളായ ധനുഷ്, അജയ്, വിനീത്, ശരത്, നോബിൾ എന്നിവരാണ് മരിച്ചത്.
വിനോദ സഞ്ചാരത്തിന്റെ ഭാഗമായി ഇവർ ബൈക്കിൽ എത്തിയതായാണ് സൂചന. വാൽപ്പാറയിൽ നിന്ന് മൂന്നു കിലോമീറ്റർ അകലെ ചുങ്കത്ത് ഷോളയാർ എസ്റ്റേറ്റിലെ പുഴയിലാണ് പത്തുപേരും കുളിക്കാനിറങ്ങിയത്. ഇതിൽ അഞ്ചുപേരാണ് ഒഴുക്കിൽ പ്പെട്ടത്.
