പൊൻകുന്നം > പൊൻകുന്നത്ത് മൂന്ന് യുവാക്കളുടെ മരണത്തിനിടയാക്കിയ വാഹനാപകടത്തിൽ ജീപ്പ് ഓടിച്ചിരുന്നയാളെ പൊലീസ് അറസ്റ്റ് ചെയ്തു. ഇളങ്ങുളം കൂരാലി ചേരീപ്പുറം പാട്രിക് ജോസിനെ (38) യാണ് പൊൻകുന്നം പൊലീസ് അറസ്റ്റ് ചെയ്തത്. ഇയാൾ മദ്യപിച്ചിരുന്നതായി കണ്ടെത്തി.
ബുധനാഴ്ച രാത്രി 10:15ന് ഇളങ്ങുളം കൊപ്രാക്കളം ഗുഡ് സമരിറ്റൻ ആശുപത്രിക്ക് സമീപം പാട്രിക് ഓടിച്ചിരുന്ന താർ ജീപ്പ് എതിരെ വന്ന ഓട്ടോറിക്ഷയിൽ ഇടിക്കുകയായിരുന്നു. സംഭവസ്ഥലത്ത് തന്നെ ഓട്ടോറിക്ഷയിലുണ്ടായിരുന്ന മൂന്ന് യുവാക്കൾ മരിച്ചു. പൊൻകുന്നം സ്റ്റേഷൻ എസ്എച്ച്ഒ എൻ രാജേഷിന്റെ നേതൃത്വത്തിലാണ് പാട്രിക്കിനെ അറസ്റ്റ് ചെയ്തത്.
