അഫ്​ഗാനെ തകർത്തു: ന്യൂസിലൻഡിന് 149 റൺസ് ജയം

ചെന്നൈ > 2023 ഏകദിന ക്രിക്കറ്റ് ലോകകപ്പിൽ തുടർച്ചയായ നാലാം ജയവുമായി കിവീസ് പട. അഫ്​ഗാനിസ്ഥാനെ 149 റൺസിന് പരാജയപ്പെടുത്തി. ജയത്തോടെ 8 പോയിന്റുമായി കിവീസ് ഒന്നാമതെത്തി. 289 റൺസ് വിജയലക്ഷ്യത്തിലേക്ക് ബാറ്റിങ് ആരംഭിച്ച അഫ്ഗാനിസ്താൻ 34.4 ഓവറിൽ 139 റൺസിന് ഓൾ ഔട്ടായി. ഫെർഗൂസനും മിച്ചൽ സാൻഡ്നറും മൂന്ന് വിക്കറ്റുകൾ വീതം നേടി. ട്രെന്റ് ബോൾട്ട് രണ്ട് വിക്കറ്റും മാറ്റ് ഹെന്റിയും രചിൻ രവീന്ദ്രയും ഓരോ വിക്കറ്റ് വീതവും നേടി. 62 പന്തിൽ 36 റൺസെടുത്ത റഹ്മത്ത് ഷായാണ് അഫ്ഗാൻ നിരയിലെ ടോപ് സ്കോറർ.