കണ്ണൂർ
ദേശാഭിമാനി അക്ഷരമുറ്റം ടാലന്റ് ഫെസ്റ്റ് 17ന് തുടങ്ങും. എൽപി, യുപി, ഹൈസ്കൂൾ, ഹയർ സെക്കൻഡറി എന്നിങ്ങനെ നാലു വിഭാഗത്തിലാണ് മത്സരം. സംസ്ഥാനത്തെ മുഴുവൻ സ്കൂളുകളിലും പകൽ രണ്ടിന് ഒരേ ചോദ്യപേപ്പർ മുഖേന മത്സരം നടക്കും. സ്കൂളിൽനിന്ന് വിജയിക്കുന്നവർ നവംബർ 11നുള്ള ഉപജില്ലാ മത്സരത്തിൽ മാറ്റുരക്കും.
നവംബർ 19നു നടക്കുന്ന ജില്ലാ മത്സരത്തിലെ ആദ്യ രണ്ടുസ്ഥാനക്കാർ ടീമായി സംസ്ഥാനതലത്തിൽ ജില്ലയെ പ്രതിനിധാനം ചെയ്യും. ഡിസംബർ രണ്ടിനും മൂന്നിനും കണ്ണൂരിലാണ് സംസ്ഥാന മത്സരം. ദേശാഭിമാനി അക്ഷരമുറ്റം ടാലന്റ് ഫെസ്റ്റ് സീസൺ 12ൽ രണ്ടുകോടി രൂപയുടെ സമ്മാനമാണ് വിജയികളെ കാത്തിരിക്കുന്നത്.
