ന്യൂഡല്ഹി >ഇസ്രയേലിലെ ഹമാസ് ആക്രമണത്തെ അപലപിച്ച് പ്രധാനമന്ത്രി നരേന്ദ്ര മോഡി. ഈ ദുഷ്കരമായ സമയത്ത് ഇന്ത്യ ഇസ്രയേലിനോട് ഐക്യദാര്ഢ്യപ്പെടുന്നു എന്ന് പ്രധാനമന്ത്രി എക്സില് കുറിച്ചു.
ശനിയാഴ്ച രാവിലെയോടെയാണ് ഹമാസ് ഇസ്രയേലിന്റെ തെക്കന് നഗരങ്ങളില് ആക്രമണം ആരംഭിച്ചത്. നുഴഞ്ഞു കയറിയവര് തെരുവുകള് കീഴടക്കി. സൈനിക ക്യാമ്പുകളിലേക്ക് ഇടിച്ചു കയറിയ ഇവര് ഇസ്രയേല് സൈനികരെ ബന്ദികളാക്കി. ഒഫാകിം നഗരത്തിലാണ് വ്യാപക ആക്രമണം നടന്നത്.
‘ഇസ്രയേലിലെ ഭീകരാക്രമണ വാര്ത്തകള് ഞെട്ടലോടെയാണ് കേട്ടത്. ഞങ്ങളുടെ ചിന്തകളും പ്രാര്ത്ഥനകളും നിരപരാധികളായ ഇരകള്ക്കും അവരുടെ കുടുംബങ്ങള്ക്കും ഒപ്പമുണ്ട്. ഈ ദുഷ്കരമായ സമയത്ത് ഞങ്ങള് ഇസ്രായേലിനോട് ഐക്യദാര്ഢ്യത്തോടെ നിലകൊള്ളുന്നു.’- ഐക്യദാര്ഢ്യം പറഞ്ഞു.
