അങ്കാറ
വടക്കൻ സിറിയയിൽ അമേരിക്കൻ പിന്തുണയുള്ള കുർദിഷ് സേനയുടെ സൈറ്റുകളിൽ ആക്രമണം നടത്തി തുർക്കിയ. വ്യാഴാഴ്ച സിറിയയിലെ ഹസാക്കയ്ക്കുസമീപമുള്ള നിയന്ത്രിത ഓപ്പറേറ്റിങ് സോണിൽ തുർക്കിയയുടെ ഡ്രോണുകൾ അമേരിക്ക വെടിവച്ചിട്ടിരുന്നു. ഇതിന് പിന്നാലെയാണ് ആക്രമണം.
താൽറിഫത്ത്, ജസീറ, ഡെറിക് മേഖലകളിലെ മുപ്പതോളം സ്ഥലങ്ങൾ തകർത്തതായി തുർക്കിയ പ്രതിരോധ മന്ത്രാലയം പ്രസ്താവനയിൽ പറഞ്ഞു. അങ്കാറയിലെ ആഭ്യന്തര മന്ത്രാലയ മന്ദിരത്തിന് പുറത്ത് ഞായർ പുലർച്ചെ ഉണ്ടായ ചാവേർ ആക്രമണത്തെ തുടർന്ന് ഇറാഖിലെയും സിറിയയിലെയും കുർദിഷ് മേഖലകളിൽ തുർക്കിയ ആക്രമണം നടത്തുകയാണ്.
