കോലഞ്ചേരി ഉപജില്ലാ സ്കൂൾ കായികമേള തുടങ്ങി

കോലഞ്ചേരി
ഉപജില്ലാ സ്കൂൾ കായികമേള സെ​ന്റ് പീറ്റേഴ്സ് കോളേജ് മൈതാനത്ത് തുടങ്ങി. പി വി ശ്രീനിജിൻ എംഎൽഎ ഉദ്ഘാടനം ചെയ്തു. പൂതൃക്ക പഞ്ചായത്ത് വൈസ് പ്രസിഡന്റ് സിനി ജോയ് അധ്യക്ഷയായി. ഉപജില്ലാ വിദ്യാഭ്യാസ ഓഫീസർ ടി ശ്രീകല പതാക ഉയർത്തി. ബ്ലോക്ക് പഞ്ചായത്ത് അംഗം ഷൈജ റെജി, വാർഡ് അംഗം സംഗീത ഷൈൻ, എസ് ജയകുമാർ, അനിയൻ പി ജോൺ, സന്തോഷ് പ്രഭാകർ, ഹണി ജോൺ തേനുങ്കൽ, കെ ഐ ജോസഫ് എന്നിവർ സസംസാരിച്ചു. സെന്റ് പീറ്റേഴ്സ് കോളേജ് ഗ്രൗണ്ട്, സ്കൂൾ ഗ്രൗണ്ട് എന്നിവിടങ്ങളിലാണ് മത്സരം നടക്കുന്നത്. ഉദ്ഘാടനത്തിനു മുന്നോടിയായി മാർച്ച്പാസ്റ്റ് നടന്നു. മൂന്നുദിവസത്തെ മേളയിൽ 62 സ്കൂളുകളിൽനിന്നായി 2000 കായികതാരങ്ങൾ പങ്കെടുക്കുന്നുണ്ട്.