ബംഗളൂരു
ഗണേശ ചതുർഥി ഉത്സവത്തിനു മുന്നോടിയായി ബംഗളൂരുവിലെ ഗണപതി ക്ഷേത്രം 2.18 കോടി രൂപയുടെ കറൻസി നോട്ടുകളും 70 ലക്ഷം രൂപയുടെ നാണയങ്ങളുംകൊണ്ട് അലങ്കരിച്ചു. ബംഗളൂരു ജെപി നഗറിലെ ശ്രീ സത്യ ഗണപതി ക്ഷേത്രമാണ് ഇത്തരത്തിൽ അലങ്കരിച്ചത്. 10, 20, 50 മുതൽ 500 രൂപവരെയുള്ള കറൻസി നോട്ടുകളാണ് അലങ്കാരപ്പണിക്ക് ഉപയോഗിച്ചത്.
മൂന്നു മാസമെടുത്താണ് ഇത് തയ്യാറാക്കിയതെന്ന് ക്ഷേത്ര ട്രസ്റ്റി മോഹൻ രാജു പറഞ്ഞു. അലങ്കരിക്കാൻ ഉപയോഗിച്ച് നാണയങ്ങളും നോട്ടുകളും ഉടമസ്ഥർക്ക് തിരിച്ചു നൽകുമെന്നും രാജു പറഞ്ഞു.
