കാട്ടിക്കുളം
വീട്ടിൽ അതിക്രമിച്ച് കയറി വീട്ടമ്മയെ പീഡിപ്പിക്കാൻ ശ്രമിച്ച ബിജെപി പ്രവർത്തകൻ അറസ്റ്റിൽ. തിരുനെല്ലി പനവല്ലി പുളിമൂട്കുന്ന് കോട്ടമ്പത്ത് വീട്ടിൽ സതീശൻ (25) ആണ് പിടിയിലായത്. കഴിഞ്ഞ ദിവസമായിരുന്നു സംഭവം.
വിധവയായ വീട്ടമ്മ തനിച്ചുള്ള സമയത്തായിരുന്നു അതിക്രമം. ഇവർ ബഹളംവച്ചതോടെ ഇറങ്ങിയോടി. കാട്ടിക്കുളം ടൗണിലെ ഓട്ടോ ഡ്രൈവറാണ് പ്രതി. വീട്ടമ്മയുടെ പരാതിയിൽ തിരുനെല്ലി പൊലീസ് നടത്തിയ അന്വേഷണത്തെ തുടർന്നാണ് അറസ്റ്റ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മറ്റു പല കേസുകളും ഇയാൾക്കെതിരെയുണ്ട്.
