കാർ ലോറിയിലിടിച്ച് അപകടം: ഒരു കുടുംബത്തിലെ 3 പേരും ഡ്രൈവറും മരിച്ചു

മംഗളൂരു > കാർ നിർത്തിയിട്ട ലോറിയിൽ ഇടിച്ച് ഒരു കുടുംബത്തിലെ 3 പേരും ഡ്രൈവറുമടക്കം 4 പേർ മരിച്ചു. മല്ലപ്പുറ ഗൊള്ളറഹട്ടിയിലായിരുന്നു അപകടം. നിയന്ത്രണം വിട്ട കാർ ദേശീയ പാത 48ൽ അരികിൽ നിറുത്തിയിട്ട ലോറിയിൽ ഇടിക്കുകയായിരുന്നു. ഇടിയുടെ ആഘാതത്തിൽ കാർ പൂർണമായി തകർന്നു. നാലു പേരും സംഭവസ്ഥലത്തുവെച്ചുതന്നെ മരിച്ചു. ​ഗുരുതരമായി പരിക്കേറ്റ 3 പേരെ ആശുപത്രിയിൽ പ്രവേശിപ്പിച്ചു.