നാവികസേനയുടെ പുതിയ യുദ്ധക്കപ്പൽ ‘മഹേന്ദ്രഗിരി’ ഇന്ന്‌ 
നീരണിയും

ന്യൂഡൽഹി
നാവികസേനയുടെ പുതിയ യുദ്ധക്കപ്പൽ ‘മഹേന്ദ്രഗിരി’ വ്യാഴാഴ്ച മുംബൈയിൽ നീറ്റിലിറക്കും. ഉപരാഷ്ട്രപതി ജഗ്ദീപ് ധൻഖറിന്റെ ഭാര്യ സുധേഷ് ധൻഖറാണ് മുംബൈയിലെ മസഗോൺ ഡോക്കിൽ കപ്പൽ നീറ്റിലിറക്കുന്നത്. ഉപരാഷ്ട്രപതി മുഖ്യാതിഥിയാകും. പ്രോജക്ട് 17 എയുടെ ഭാഗമായി നിർമിച്ച ഏഴാമത്തെ സ്റ്റെൽത്ത് ഫ്രിഗേറ്റാണ് മഹേന്ദ്രഗിരി. ആറാമത്തെ യുദ്ധക്കപ്പലായ വിന്ധ്യഗിരി പ്രസിഡന്റ് ദ്രൗപദി മുർമുവാണ് നീറ്റിലിറക്കിയത്. മെച്ചപ്പെട്ട ആക്രമണശേഷിക്കുപുറമെ അത്യാധുനിക സെൻസറുകളും പ്ലാറ്റ്ഫോം മാനേജ്മെന്റ് സിസ്റ്റങ്ങളും മഹേന്ദ്രഗിരിയിലുണ്ട്.