കൊൽക്കത്ത
സിപിഐ എം ജാൽപായ്ഗുരി ജില്ലാ കമ്മിറ്റി ഓഫീസ് തൃണമൂൽ കോൺഗ്രസ് അക്രമികൾ തകർത്തു. പൊലീസ് സാന്നിധ്യത്തിലായിരുന്നു അക്രമം. സ്ഥലത്തുണ്ടായിരുന്ന പൊലീസ് കാഴ്ചക്കാരായി നോക്കിനിന്നു. സംഭവത്തിൽ പ്രതിഷേധിച്ച സംസ്ഥാന സെക്രട്ടറിയറ്റംഗം ജിയാവുൾ അലാം, ജില്ലാ സെക്രട്ടറിയറ്റംഗം പിയൂഷ് മിശ്ര എന്നിവരുൾപ്പെടെ നിരവധി നേതാക്കളെയും പ്രവർത്തകരെയും അറസ്റ്റ് ചെയ്തു. ബുധനാഴ്ച രാത്രിയായിരുന്നു സംഭവം. വ്യാഴാഴ്ച ജില്ലയിലാകെ വൻ പ്രതിഷേധ റാലിയും പൊലീസ് സ്റ്റേഷൻ മാർച്ചും നടന്നു.
ജാദവപ്പുർ യൂണിവേഴ്സിറ്റി ഹോസ്റ്റലിൽ റാഗിങ്ങിനെ തുടർന്ന് വിദ്യാർഥി ആത്മഹത്യ ചെയ്ത സംഭവത്തിൽ പ്രതിഷേധിച്ച് എസ്എഫ്ഐ നേതൃത്വത്തിൽ ജാൽപായ്ഗുരി പട്ടണത്തിൽ പ്രതിഷേധ റാലി നടത്തിയിരുന്നു. ഇതിൽ പ്രകോപിതരായാണ് തൃണമൂലുകാർ സിപിഐ എം ജില്ലാ കമ്മിറ്റി ഓഫീസ് തകർത്തത്.
