തൃശൂർ> മണ്ണുത്തി മാടക്കത്തറ പഞ്ചായത്തിലെ താണികുടം 15-ാം വാർഡിൽ എൽഡിഎഫ് സ്ഥാനാർഥി സിപിഐയിലെ മിഥുൻ തീയത്തുപറമ്പിൽ വിജയിച്ചു. യുഡിഎഫ് സ്ഥാനാർഥി പി എൻ രാധാകൃഷ്ണനെ 652 വോട്ടിനാണ് പരാജയപ്പെടുത്തിയത്. എൽഡിഎഫ് സ്ഥാനാർത്ഥി സേതു താണികുടം സർക്കാർ ജോലി ലഭിച്ചതിനേ തുടർന്ന് രാജിവെച്ച ഒഴിവിലാണ് ഉപതെരഞ്ഞെടുപ്പ്. 306 വോട്ടിൻ്റെ ഭൂരിപക്ഷത്തിലാണ് കഴിഞ്ഞ തവണ എൽഡിഎഫ് വിജയിച്ചത്. എൻഡിഎ സ്ഥാനാർത്ഥിയായി രാഹുൽ കുറുമാം പുഴ മൽസരിച്ചിരുന്നു.
താണി കുടം ക്ഷേത ഉപദേശക സമിതി അംഗവും പെങ്ങണം കാട് സുബ്രഹ്മണ്യസ്വാമി ക്ഷേത്ര ഉപദേശക സമതി കൺവീനറുമാണ് മിഥുൻ. മാടക്കത്തറ പഞ്ചായത്തിലെ ആകെയുള്ള 16 സിറ്റിൽ 13 എൽഡിഎഫ്, രണ്ട് ബിജെപി , യുഡിഎഫ് ഒന്ന് എന്നിങ്ങനെയാണ്കക്ഷി നില.
